सुस्ते – शिक्षण विभाग प्राथमिक व जिल्हा परिषद, सोलापूर व पंचायत समिती, पंढरपूर अंतर्गत 53 वे तालुकास्तरीय विज्ञान प्रदर्शनात पंढरपूर तालुक्यातील सुस्ते येथील श्री दत्त विद्या मंदिर व कनिष्ठ महाविद्यालयातील प्रेमराज अण्णासाहेब शेळके याच्या ट्रान्समिशन लाईन या उपकरचा लहान गटात तृतीय क्रमांक आला असून या उपकरणाची आता जिल्हा स्तरावर निवड झाली आहे
प्रेमराज शेळके या विद्यार्थ्यास कांचन टकले,नितीन वायदंडे व प्रशालेतील सर्व गणित व विज्ञान शिक्षकांचे मार्गदर्शन मिळाले. त्याच्या या यशाबद्दल संस्थेचे अध्यक्ष डॉ.मदन क्षीरसागर, उपाध्यक्ष शिवाजी वाघ, सचिव ॲड. वैभव टोमके, सहसचिव अजित नडगिरे, खजिनदार सलीम वडगावकर,जेष्ठ संचालक आप्पासाहेब चोपडे, दिलीप घाडगे, अनिरुद्ध सालविठ्ठल, विजयकुमार माळवदकर,सुनीता मोरे यांनी विद्यार्थी मार्गदर्शक शिक्षक व प्रशालेचे अभिनंदन करून शुभेच्छा दिल्या.
विद्यार्थ्यांच्या या यशाबद्दल प्रशालेचे प्राचार्य अविनाश कटकधोंड, पर्यवेक्षक सुरेश कट्टे, वरिष्ठ लिपीक राजकुमार ढगे, शिक्षक प्रतिनिधी श्रीकांत चंदनशिवे, शिक्षकेतर प्रतिनिधी नागनाथ मैंदर्गी यांच्यासह प्रशालेतील सर्व शिक्षक शिक्षकेतर कर्मचारी यांनी अभिनंदन केले.
