अक्कलकोट – वर्ल्ड बँक पुरस्कृत निधीतून सांगवी बंधारा येथून नवीन पाणीपुरवठा योजना राबविण्यास मंजूरी मिळण्याबाबत प्रयत्न चालू आहेत . नगरपरिषद प्रशासनाकडून विविध लोककल्याणकारी योजनांची अंमलबजावणी यामुळे कार्यरत कर्मचारी वर्ग कमी पडत आहे . गतिमान प्रशासकीय कामकाज करण्यासाठी नगरपरिषदेस प्रशिक्षित मनुष्यबळाची आवश्यकता आहे . अक्कलकोट नगरपरिषदेच्या प्रशासकीय व तांत्रिक कामकाजांसाठी नवीन पदांची निर्मिती करणे आवश्यक आहे. यास्तव सुधारित आकृतीबंध प्रस्ताव तयार करण्यात आलेला आहे . मा. आयुक्त तथा संचालक, नगरपरिषद प्रशासन संचालनालय यांचेकडे सादर करण्यात येणार आहे . या साठी आ .सचिन कल्याणशेट्टी यांचे मुख्यमंत्री देवेद्र फडणवीस यांच्या मार्फत विशेष प्रयत्न चालु आहेत . सुरळीत पाणीपुरवठा करण्यासाठी नगरपालिका प्रशासन गतिमान करण्यासाठी माझा विशेप प्रयत्न राहिल . याकरिता नगरपालिका विशेष सभा घेण्यात आल्याची माहिती नगराध्यक्ष मिलन कल्याणशेट्टी यांनी दै तरुण भारतशी बोलताना दिली .
तीर्थक्षेत्र अक्कलकोटी येणाऱ्या भाविकांची संख्या प्रचंड वाढत आहे . अक्कलकोट हे तीर्थक्षेत्र असल्याने महाराष्ट्रासह शेजारील राज्यातून दररोज मोठ्या प्रमाणात
भाविक श्री स्वामी समर्थांच्या दर्शनाकरिता शहरात येतात. यामुळे अक्कलकोट नगरपरिषद क्षेत्राच्या
नागरीकरणात मोठ्या प्रमाणात वाढ झालेली आहे. यामुळे शहरातील वाढलेल्या लोकसंख्येसह भाविकांच्या
तरंगती लोकसंख्या यांना स्वच्छता, पाणी पुरवठा यासारख्या पायाभूत सुविधा पुरविण्याचे काम
नगरपरिषदेमार्फत करण्यात येते.
वाढती लोकसंख्या परिणामी पायाभुत सुविधांवर पडणारा ताण, तीर्थक्षेत्राचा विचार करून राज्य व केंद्र शासनाकडून सुरु असलेले विविध महत्वाचे प्रकल्प/उपक्रम, घनकचरा व्यवस्थापनाचे नवीन निकष, नगरपरिषद प्रशासनाकडून विविध लोककल्याणकारी योजनांची अंमलबजावणी यामुळे कार्यरत कर्मचारी वर्ग कमी पडत आहे . गतिमान प्रशासकीय कामकाज होण्यासाठी माझे विशेष प्रयत्न असणार असल्याचे नगराध्यक्ष कल्याणशेट्टी यांनी स्पष्ठ केले . याकरिता नगरपरिषदेस प्रशिक्षित मनुष्यबळाची
आवश्यकता विचारात घेता अक्कलकोट नगरपरिषदेच्या प्रशासकीय व तांत्रिक कामकाजांसाठी नवीन पदांची
निर्मिती करणे आवश्यक आहे. यास्तव सुधारित आकृतीबंध प्रस्ताव तयार करण्यात आलेला असून मा. आयुक्त तथा संचालक, नगरपरिषद प्रशासन संचालनालय यांना सादर करण्यात येणार आहे .
पाणी पुरवठासाठी प्राथमिकता विशेष सभा
शहराचा सांगवी जलाशयातुन नविन पाणी पुरवठा योजनासाठी वर्ल्ड बँक पुरस्कृत निधीतून सांगवी बंधारा येथून नवीन पाणीपुरवठा योजना राबविण्यास मंजूरी मिळण्याबाबत प्रयत्न करणार आहोत .., सन 1936 पासून सांगवी बंधारा येथून अक्कलकोट साठी नगरपरिषदेचे पाणीपुरवठा योजना सुरू आहे. योजनेतून अशुद्ध पाणी उपसा करण्यासाठी असलेली
दाबनलिका अत्यंत जीर्ण झाली आहे. सदरील दाबनलिका बदलणे अत्यंत आवश्यक आहे. वर्ल्ड बँकेकडून पाणीपुरवठा योजनेसाठी निधी उपलब्ध करून देण्यात येत आहे. या निधीतून सांगवी योजनेचे अशुद्ध पाणी दाबनलिका नवीन टाकणे आणि इतर अनुषंगिक कामे करणे शक्य आहे. नमूद दाबनलिका टाकण्याचे कामाचे सविस्तर प्रकल्प अहवाल तयार करण्यात आला आहे. सदरचा सविस्तर अहवाल महाराष्ट्र जीवन प्राधिकारणाकडून तांत्रिक मंजूरी मिळविणे, प्रशासकीय
मंजुरीसाठी शासनास आणि वर्ल्ड बँकेकडे सादर करणे आदि कामे प्राधान्याने करणार असल्याचे ; या करिता न पाची विशेष सभा घेतल्याचे नगराध्यक्ष मिलन कल्याणशेट्टी यांनी तरुण भारत शी बोलताना सांगितले .
ठळक मुद्दे
लोककसंख्या सन 2011 नुसार 40103 असून एकूण क्षेत्रफळ 4.42 चौ.कि.मी. आहे.
2011 ची लोकसंख्या विचारात घेऊन शासनाने राजपत्रातील अधिसूचनेद्वारे अक्कलकोट
नगरपरिषदचे “क” वर्ग नगरपरिषदेमधून “ब” वर्ग नगरपरिषदेमध्ये वर्गीकरण केलेले आहे.
अक्कलकोट हे तीर्थक्षेत्र असल्याने महाराष्ट्रासह शेजारील राज्यातून दररोज मोठ्या प्रमाणात
भाविक श्री स्वामी समर्थांच्या दर्शनाकरिता शहरात येतात. यामुळे अक्कलकोट नगरपरिषद क्षेत्राच्या
नागरीकरणात मोठ्या प्रमाणात वाढ झालेली आहे.
यामुळे शहरातील वाढलेल्या लोकसंख्येसह भाविकांच्या
तरंगती लोकसंख्या जास्त आहे . यामुळे स्वच्छता, पाणी पुरवठा यासारख्या पायाभूत सुविधा पुरविण्याकामी जास्त ताण आहे .
