पंढरपूर – नाथ संस्थानचे सदगुरु तथा येथील श्री विठ्ठल रुक्मिणी मंदिर समितीचे सहअध्यक्ष गहिनीनाथ महाराज औसेकर यांना महाराष्ट्र शासनाच्या सांस्कृतिक विभागाचा सन्मानाचा कीर्तन व प्रबोधन या कार्यासाठी पुरस्कार जाहीर झाला आहे.
आजवर गहिनीनाथ महाराज औसेकरांना अनेक पुरस्कार मिळाले आहेत. त्या मध्ये जाहीर झालेला हा पुरस्कार अत्यंत सन्मानाचा आणि विशेष म्हणजे सदुरु ज्ञानेश्वर महाराज औसेकर यांच्या २५ व्या पुण्यस्मरण महोत्सवाच्या प्रथम दिनी जाहीर झाल्याने ही सद्गुरु कृपाच होय अशी प्रतिक्रिया गहिनीनाथ महाराज यांनी पुरस्कार जाहीर झाल्यानंतर व्यक्त केली. परमात्मा पांडुरंगाची व वारकऱ्यांची सेवा श्वास असेपर्यंत चालूच राहील असेही महाराज यावेळी सांगितले.
