पंढरपूर – तालुक्यातील करकंब येथील जुगार अड्ड्यावर येथील उपविभागीय पोलिस अधिकारी प्रशांत डगळे यांच्या पथकाने धडक कारवाई करीत लाखोंचा मुद्देमाल जप्त केला.
या कारवाई संदर्भातील सविस्तर माहिती अशी की, करकंब येथील सोमवार पेठ, रोजा गल्ली येथे सिमेंट पत्राचे शेडमध्ये शहाजी वसंत शिंदे (रा. करकंब ता.पंढरपूर) व विजय बाबुराव वंजारी (रा. करकंब ता. पंढरपूर) हे अवैधरीत्या जुगार अडडा चालवत असताना तसेच विजय बाबुराव बंजारी (रा. करकंब ता. पंढरपूर) हा पत्राशेडच्या जवळच्या खोलीत त्याचे ताब्यात बेकायदेशीररीत्या देशी दारु बाळगलेल्या परिस्थितीत असलेबाबत दिनांक ११ ऑक्टोंबर २०२५ रोजी गोपनीय माहिती मिळालेने सदर ठिकाणी पोलीस पथक यांनी जावून छापा कारवाई केली असता शहाजी वसंत शिंदे हा १४ इसमा सोबत ५२ पानी पत्याच्या जुगारावर पैसे लावून खेळत असताना मिळून आलेले आहेत. या बरोबरच विजय बाबुराव वंजारी हा पत्राशेडच्या जवळच्या खोलीत त्याचे ताब्यात बेकायदेशीर देशी दारु हि जवळ बाळगलेल्या स्थितीत मिळून आलेले आहे. या कारवाईत पत्ते खेळण्याकरीता आलेल्या इसमांकडे दुचाकी वाहने, मोबाईल, रोख रक्कम, ५२ पानी पत्याचे डाव, या बरोबरच रोख रक्कम ४१,४३० रुपये, १४ मोबाईल फोन १,२०,००० रुपये, ७ मोटारसायकल ३,९०,००० आणि देशी दारु ७२,१९२ रुपये असा एकुण ६ लाख २३ हजार ६२२ रुपये असा मुद्देमाल हस्तगत करण्यात आलेला आहे.
दरम्यान करकंब पोलीस ठाणेत वरील १५ इसमांवर महाराष्ट्र जुगार कायदा कलम ४ व ५ प्रमाणे व विजय बाबुराव वंजारी याचेवर महाराष्ट्र दारुबंदी अधिनियम कलम ६५(ई) प्रमाणे गुन्हा दाखल करण्याची प्रक्रिया सुरु आहे.
ही कामगीरी अतुल कुलकर्णी, पोलीस अधिक्षक, सोलापूर ग्रामीण, अपर पोलीस अधिक्षक, प्रितम यावलकर, सहा. पोलीस अधिक्षक प्रशांत डगळे पंढरपूर उपविभाग, पंढरपूर यांचे मार्गदर्शनाखाली पोलीस उपनिरीक्षक निलेश गायकवाड आणि त्यांच्या सहकारी कर्मचाऱ्यांच्या पथकाने पार पाडलेली आहे.
