मोडनिंब – सोलापूर पुणे महामार्गालगत माढा तालुक्यातील मोडनिंब हे मिरजेच्या पटवर्धन संस्थान मधील मोठे बाजारपेठ असणारे गांव,किंबहुना त्यांचे मुख्य ठिकाण होते. या ठिकाणी त्यांचा मोठा राजवाडा असुन याच्या शेजारीच पुरातन असे महादेवाचे श्री महालिंगेश्वर मंदिर आहे.हिंदू संस्कृती परंपरांमध्ये महाशिवरात्रीला अनन्य साधारण असे महत्व आहे.
या दिवशी भाविक ओम नमः शिवाय चा जप करतात जाऊन रूद्र अभिषेक, शिव पूजा करतात.धार्मिक व सांस्कृतिक कार्यक्रमांचे विशेष आयोजन केले जाते.याबाबत मोडनिंब गांव पुर्वी पांढरीभागात वसल्याचे सांगितले जाते,परंतु प्लेगच्या साथीत ही सर्व वस्ती पटवर्धनांच्या राजवाड्या शेजारी वसवली गेली.त्यावेळी पांढरी व परिसरात असलेला श्री.महादेवाची मुख्य पिंड मोडनिंबला आणण्याचा प्रयत्न झाला. परंतु साधारण १८ ते १९ फुट खड्डा घेऊनही पाषाण संपला नाही,तो तसा अखंड असल्याचे दिसुन आले हे खरंतर श्री.महादेवाचे स्वयंभु प्रकटीकरण समजुन तेथेच मंदिर बांधण्यात आहे,परंतु तसेच मंदिर राजवाड्याशेजारीही बांधण्यात आले.
हे मंदिर हेमाडपंथी असुन पुर्वी या मंदिराच्या कडेने चार दिपमाळ होत्या,परंतु सन १९७० मध्ये मंदिराचा जीर्णोध्दार करण्यात आला व त्या ठिकाणी मोठा सभामंडप बांधण्यात आला. मंदिराच्या हेमाडपंथी वास्तुस हात न लावता समोरील बाजुस प्रशस्त मंडप बांधण्यात आला.परंतु या मंदिराचा लिखीत इतिहास उपलब्ध नाही.जुन्या जाणत्या माणसाकडुन माहित घ्यावी लागते.या मंदिरात श्री महादेवाचे वर्षभर कार्यक्रम सुरु असतात.यामध्ये पुजा करण्याचा मान गुरव समाजाकडे आहे,त्यांची चौथी पिढी आजही सेवेत आहे.श्रावणात महिनाभर अभिषेक,जप, श्री. शिवलीलामृत पोथीच वाचन करण्यात येते.महाशिवरात्रीला नामसप्ताह आयोजित केला जातो.महाशिवरात्रीला मंदिर समितीच्या वतीने नामस्मरण, भजनसंध्या, भक्तिगीते, भावगीते, आलेल्या सर्व भाविक भक्तांना दिवसभर फराळाचे वाटप केले जाते.
महाशिवरात्रीच्या पूर्वसंध्येला आकर्षक विद्युत रोषणाई व फुलाच्या सजावटीचे कामे सुरू आहेत.महाशिवरात्रीनिमित्त उत्सवाची लगबग शिगेला पोहोचली असून विविध तयारीचा आढावा घेण्यात येत आहे. पहाटेपासून रुद्राभिषेक, शिवपूजा, नामस्मरण, भजन-कीर्तन आदी कार्यक्रमांचे आयोजन करण्यात येणार असून भाविकांच्या दर्शनासाठी विशेष व्यवस्था केली जात आहे.श्री महालिंगेश्वर जागृत देवस्थान असुन पिंडीमध्ये असलेल्या साळुंकी खाली सतत पाणी असते,यातले पाणी कधीही कमी होत नाही अशी धारणा आहे,आजपर्यंत तीव्र दुष्काळातही यातील ओलसरपणा कमी झाला नव्हता,प्रत्यक्ष गंगा अवतरते अशी भाविकांची श्रध्दा आहे.
येथील श्री महादेव मोडनिंब, मोहोळ, बार्शी,उपळाई,मंगळवेढा,वरवडे इ. अनेक गावातील लिंगायत समाजाचे कुलदैवत समजले जाते,हे सर्व भाविक दरवर्षी आवर्जुन पुजा,अभिषेक,दर्शनास येत असतात. महालिंगेश्वराची देखभाल भक्त परिवार,देवस्थान ट्रस्ट वतीने केली जाते,वर्षभर विविध उपक्रम राबविणे,भाविकांना सोयीसुविधा उपलब्ध करुन देण्यासाठी ट्रस्ट तत्पर असते.
या ठिकाणी द्वादशीला अन्नछत्र समितीमार्फत अन्नदान केले जाते.मंदिराचा सभामंडप इतर धार्मिक कामासाठी,जयंती,पुण्यतिथी उत्सवासाठी मोफत उपलब्ध करुन दिला जातो.महालिंगेश्वर देवस्थान ट्रस्टच्या वतीने लवकरच सभामंडपाची दुरुस्ती व गोरगरीबांच्या लग्नकार्यासाठी स्वतंत्र हाॅल बांधण्याचे नियोजन करत आहे,जागृत व पुरातन मंदिरासाठी लोकनिधितून केले जाणार आहे.
तयारी अंतिम टप्प्यात
मनोभावे पूजा करणाऱ्या भक्तांच्या इच्छा, अपेक्षा पूर्ण करणारा महादेव म्हणून या मंदिराची आख्यायिका प्रसिद्ध आहे. त्यामुळे भक्तांचा ओघ वाढला असून, सर्व भाविक भक्तांना दिवसभर फराळाचे वाटप केले जाते.महाशिवरात्रीच्या पूर्वसंध्येला आकर्षक विद्युत रोषणाई व फुलाच्या सजावटीचे कामे सुरू आहेत.महाशिवरात्रीनिमित्त उत्सवाची लगबग शिगेला पोहोचली असून विविध तयारीचा आढावा घेण्यात येत आहे. पहाटेपासून रुद्राभिषेक, शिवपूजा, नामस्मरण, भजन-कीर्तन आदी कार्यक्रमांचे आयोजन करण्यात येणार असून भाविकांच्या दर्शनासाठी विशेष व्यवस्था केली जात आहे.
हे मंदिर सोलापूर-पुणे हायवेवर मोडनिंब (ता. माढा) शहरात आहे.या मंदिरात दररोज नित्य पूजा,आरती , अभिषेक , भजन व कीर्तन असे कार्यक्रम राबविले जातात. महाशिवरात्री दिवशीही विविध धार्मिक कार्यक्रम साजरे होतात. दररोज शेकडो भाविक दर्शन घेतात.प्रसाद वाटप करण्यात येतो.
