अक्कलकोट – आयडीएफ फायनान्स कंपनी, अक्कलकोट शाखेच्या वतीने पूरग्रस्तांना मदतीचा हात देण्यात आला आहे. कंपनीच्या सामाजिक उत्तरदायित्व (CSR) उपक्रमांतर्गत पितापूर आणि सिरसी या गावांतील पूरग्रस्त व गरजू नागरिकांना चादरी तसेच आवश्यक जीवनावश्यक वस्तूंचे वाटप करण्यात आले.
या मदतकार्यामध्ये कंपनीचे व्यवस्थापकीय संचालक एम. डी. एन. एम. पाटील, महाराष्ट्र विभागीय व्यवस्थापक बावकर, क्षेत्रीय व्यवस्थापक दत्ता कांबळे, तसेच अक्कलकोट शाखेचे अधिकारी कृष्णा हावळे, रेवणसिद्ध वाघमारे, आणि CRO दिनेश सुतार व किरण धावणे यांनी सक्रिय सहभाग नोंदविला.
कंपनीच्या सीएसआर फंडातून राबविण्यात आलेल्या या उपक्रमामुळे पूरग्रस्त कुटुंबांना दिलासा मिळाला असून स्थानिक नागरिकांनी आयडीएफ फायनान्स कंपनीचे मनःपूर्वक आभार मानले.
