किनवट : नांदेड विभागाचे विभागीय रेल्वे व्यवस्थापक श्री. प्रदीप कामले यांनी मंगळवारी (दि. 20) नांदेड–आदिलाबाद–नांदेड असा विशेष निरीक्षण दौरा केला. या दौऱ्यात रेल्वे सुरक्षितता, पायाभूत सुविधा व प्रवासी सुविधांशी संबंधित कामांची सविस्तर पाहणी करण्यात आली.
नांदेड ते आदिलाबाद दरम्यान रियर विंडो निरीक्षण करण्यात आले. किमी 3/2–3 येथील लेव्हल क्रॉसिंग क्रमांक 1 (नॉन-इंटरलॉक्ड) ची तपासणी करण्यात आली. अमृत भारत योजनेअंतर्गत मुदखेड, भोकर, हिमायतनगर, किनवट व आदिलाबाद रेल्वे स्थानकांची सविस्तर पाहणी करण्यात आली.
यासोबतच किमी 5–6/2 येथील वळण क्रमांक 4, हिमायतनगर रेल्वे स्थानकाजवळील किमी 58/1–2 येथील पॉईंट क्रमांक 14-B तसेच किमी 153/4–153/5 येथील स्टील गर्डर पूल क्रमांक 180 यांची पाहणी करण्यात आली.
विद्युत विभागाशी संबंधित कामांची तपासणी करताना अंबारी येथील ओव्हरहेड इक्विपमेंट डेपो तसेच किमी 138/5–6 येथील लेव्हल क्रॉसिंग क्रमांक 19 ऐवजी उभारण्यात आलेल्या रोड अंडर ब्रिज क्रमांक 171-A ची पाहणी करण्यात आली. किमी 146/3–4 येथील लेव्हल क्रॉसिंग क्रमांक 23 व किमी 155/5–6 येथील लेव्हल क्रॉसिंग क्रमांक 27 (नॉन-इंटरलॉक्ड) चीही तपासणी करण्यात आली.
आदिलाबाद येथे क्रू लॉबी, रनिंग रूम व पिट लाईनची पाहणी करताना श्री. कामले यांनी अधिकाऱ्यांना सुरक्षितता नियमांचे काटेकोर पालन करण्याच्या तसेच प्रलंबित कामे वेळेत पूर्ण करण्याच्या सूचना दिल्या. या दौऱ्यात नांदेड विभागातील वरिष्ठ विभागीय अधिकारी उपस्थित होते.
