मोहोळ – मोहोळ ते कामती मंजूर रस्त्यावर अनेक ठिकाणी गतिरोधक सूचनाफलक बसवणे व जड वाहतूक बंद करणे बाबत मोहोळ भाजपाच्या वतीने तहसीलदारांना निवेदन देण्यात आले .
कामती-विजापूर रस्ता हा मोहोळ शहरातून जात असून ह्या रस्त्यामुळे मोहोळ तालुक्यातील दक्षिण भागातील ग्रामीण भागाला जोडला जातो. या रस्त्यावर असलेल्या रहदारीमुळे आजपर्यंत अनेक अपघात होऊन बरेच शाळकरी मुले, वयोवृद्ध लोक मृत्युमुखी पडलेले असून काहींना कायमचे अपंगत्व आलेले आहे.
विशेष म्हणजे सदरच्या रस्त्यावर कोठेही गतिरोधक अथवा सूचनाफलक बसवलेले नाहीत, त्यामुळे अपघाताचे प्रमाण वाढलेले आहे तरी या मागणीचा विचार करून संबंधित विभागास आपले आदेश द्यावेत.असे निवेदन अन्यथा भारतीय जनता पार्टी मोहोळ तालुक्याच्या वतीने जन आंदोलन करण्यात येईल याची नोंद घ्यावी. असा इशारा पण देण्यात आलाआहे.
अनेक वर्षांपासून मोहोळ ते कामती -मंद्रूप – तेरा मैल रस्ता ४ पदरी व्हावा ही आमची मागणी आहे . हा रस्ता ७ मीटर ऐवजी १० मीटर रुंदीचा असावा जेणेकरून वाहतूक कोंडी होणार नाही व अपघाताचे प्रमाण कमी होईल अशी अपेक्षा त्यात व्यक्त करण्यात आली आहे. या रस्त्यावरील जड वाहतूक अन्य मार्गाने वळविण्यात यावी.अशीही मागणी या निवेदना द्वारे भाजपच्या वतीने करण्यात आली.
यावेळी भारतीय जनता पार्टीचे अजिंक्य राणा पाटील, सुशील भैय्या क्षीरसागर,भाजपाचे अनुसूचित जाती मोर्चाचे प्रदेश उपाध्यक्ष संजीव दादा खिलारे, प्रशांत गाढवे ,बाळासाहेब गायकवाड,हरिभाऊ चव रे,नूतन नगरसेवक कुंदन धोत्रे, अजमुद्दीन कुरेशी, अविकाका गायकवाड आदिंसह पदाधिकारी,नगरसेवक, कार्यकर्ते उपस्तिथ होते.
