जालना – दि.25 नोव्हेंबर 2025 रोजी जालना येथील युवा पत्रकार,इंडियन जर्नलीस्ट असोसिएशन या पत्रकार संघटनेचे जिल्हा उपाध्यक्ष तथा प्रबंधभूमी चे जालना जिल्हा प्रतिनिधी श्री सुनील कैलास भारती यांना पत्रकार रत्न सन्मान या पुरस्काराने रांची (झारखंड राज्य) येथील 8 वा आंतरराष्ट्रीय पत्रकार संमेलन व पत्रकार सन्मान समारोह या कार्यक्रमांमध्ये पुरस्कार देऊन सन्मानित करण्यात आले.
या कार्यक्रमाला देशभरातील तमिळनाडू, पश्चिम बंगाल,उत्तर प्रदेश,मध्यप्रदेश,बिहार,आसाम,
झारखंड,उडीसा,छत्तीसगड,महाराष्ट्र तसेच देशाबाहेरील नेपाल येथील पत्रकार उपस्थित होते.सुनिल भारती यांना हा सन्मान माजी केंद्रीय गृहमंत्री सुबोधकांत सहाय तसेच इंडियन जर्नलिस्ट असोसिएशनचे राष्ट्रीय अध्यक्ष सिराज अहेमद कुरेशी यांच्या हस्ते देऊन सन्मानित करण्यात आले.हा कार्यक्रम आठवा आंतरराष्ट्रीय पत्रकार संमेलन,पत्रकार सन्मान तसेच पत्रकार चर्चा वर आधारित होता.
याचे आयोजन इंडियन जर्नलिस्ट असोसिएशन चे झारखंड प्रदेशाध्यक्ष देवानंद सिन्हा व राष्ट्रीय महिलाध्यक्षा सौ.मधु सिन्हा यांनी केले होते.हा कार्यक्रम दि २५ नोव्हेंबर २०२५ रोजी रांची (झारखंड,भारत) शहरांमधील पलाश सभागृह येथे संपन्न झाला.यावेळी मोठ्या प्रमाणात पत्रकार या कार्यक्रमाला उपस्थित होते.
पत्रकारांच्या हक्कांसाठी,त्याना न्याय मिळण्यासाठी संपूर्ण भारतात कार्यरत असणारी पत्रकार संघटना म्हणून इंडियन जर्नलिस्ट एसोसिएशन कडे पाहिले जात आहे.या संघटनेचे जालना जिल्हा उपाध्यक्ष सुनील भारती यांना पत्रकार रत्न सन्मान देऊन गौरविण्यात आले असुन सर्वंच स्तरावरुन त्यांच्यावर अभिनंदनाचा वर्षाव केला जातो आहे.
