जिंतूर / परभणी – दिनांक 21 नोव्हेंबर जिंतूर नगरपरिषद सार्वत्रिक निवडणूक 2025 मतदान जनजागृती अभियान अंतर्गत निवडणूक कार्यासाठी नेमलेल्या कर्मचारी मतदारांना जागृत करण्यासाठी मतदान जनजागृतीसाठी जिल्हा परिषद प्रशाला कौसडी या ठिकाणी कार्यरत असणाऱ्या कला शिक्षक ज्ञानेश्वर बर्वे यांनी भव्य व आकर्षक रांगोळी काढली. या रांगोळीच्या माध्यमातून उपस्थित असणाऱ्या सर्व मतदारांना आपल्या मतदानाचा हक्क समजावून देण्याचा प्रयत्न करण्यात आला. उपस्थित सर्वांनी सदर कलाकृतीचे विशेष कौतुक केले.
या रांगोळीच्या माध्यमातून मतदान जनजागृतीच्या ज्ञानेश्वर बर्वे यांच्या कार्याचा उपविभागीय अधिकारी सेलू तथा निवडणूक निर्णय अधिकारी जिंतूर नगर परिषद शैलेश लाहोटी, तहसीलदार जिंतूर सहाय्यक निवडणूक निर्णय अधिकारी राजेश सरवदे, मुख्याधिकारी उमेश ढाकणे, उपमुख्याधिकारी अनिल समिंद्रे, नायब तहसीलदार निवडणूक सुग्रीव मुंढे, मिडिया पथक प्रमुख नायब तहसीलदार प्रशांत राखे, गटशिक्षणाधिकारी तथा मतदान जनजागृती पथक प्रमुख त्र्यंबक पोले यांनी गुणगौरव व विशेष सन्मान केला. त्यांच्याकडे असलेल्या कला कौशल्याचे विशेष कौतुक केले.
या कार्यासाठी राजेंद्र ढाकणे, मयूर जोशी कपिलदेव घुगे, प्रवीण घुले, दिनकर घुगे, मारोती घुगे यांनी इतर सहकार्य केले.
