सोलापूर – देश पातळीवर घेण्यात आलेल्या अत्यंत प्रतिष्ठेच्या NEET 2025 परीक्षेत (नॅशनल एलिजिबिलिटी कम एंट्रन्स टेस्ट) घवघवीत यश संपादन करून, सारोळे (तालुका बार्शी) येथील कु. प्राजक्ता शरदराव शिंदे हिने वैद्यकीय शिक्षण क्षेत्रात पहिले पाऊल टाकले आहे. तिला BAMS (बॅचलर ऑफ आयुर्वेदिक मेडिसिन अँड सर्जरी) मेडिकल कॉलेजमध्ये प्रवेश मिळाला आहे. तिच्या या उज्ज्वल यशामुळे सारोळे गावाचे आणि शिंदे कुटुंबाचे नाव उंचावले आहे.
एकता महिला मंच, सारोळे यांच्या वतीने प्राजक्ताचा सत्कार
कु. प्राजक्ता शिंदे हिच्या या यशाबद्दल तिला प्रोत्साहन देण्यासाठी आणि तिचे अभिनंदन करण्यासाठी एकता महिला मंच, सारोळे (तालुका बार्शी) यांच्या वतीने एका विशेष कार्यक्रमाचे आयोजन करण्यात आले होते.
या कार्यक्रमादरम्यान, उपस्थित महिलांच्या हस्ते प्राजक्ताचा सत्कार करण्यात आला आणि तिला पुढील वैद्यकीय शिक्षणासाठी हार्दिक शुभेच्छा देण्यात आल्या. तिच्या या मेहनतीचे कौतुक करताना, ती इतर मुलींसाठी प्रेरणास्रोत बनेल, असा विश्वास महिलांनी व्यक्त केले.
या सोहळ्याला एकता महिला मंचच्या सदस्यांसह परिसरातील प्रतिष्ठित महिला मोठ्या संख्येने उपस्थित होत्या. यावेळी प्रभावती साबळे,सुनीता साबळे,आशा माने
रतन साबळ,लता ठोंबरे
साखरबाई शिंद, सुवर्णा घाटे
भाग्यश्री घाटे, चंद्रभागा भोसले
नागरगाटे पुष्पा, अमृता जाधव
पद्मजा बनसोडे, छाया ठोंबरे
या सर्व महिलांनी प्राजक्ताला पुष्पगुच्छ देऊन तिचे अभिनंदन केले आणि तिच्या भावी वाटचालीस शुभेच्छा दिल्या.
कु. प्राजक्ता शिंदे हिच्या प्रवेशाने ग्रामीण भागातील मुली कठोर परिश्रमाने कोणतीही परीक्षा उत्तीर्ण करू शकतात, हे पुन्हा एकदा सिद्ध झाले आहे. तिचे हे यश समाजातील सर्वांसाठी अभिमानास्पद आहे.
