सोलापूर – शहर सायबर पोलीस स्टेशनकडुन डिजिटल अरेस्ट मधील गुन्हयात सहभागी असणाऱ्या एका गुन्हेगारास अटक करण्यात आली आहे.
सध्या सोलापूर शहरात सायबर गुन्हेगारीचे प्रमाण मोठ्या प्रमाणात वाढले आहेत. त्यामध्ये सोलापूर शहर सायबर पोलीस स्टेशन येथील तक्रारदार यांना दि.28/07/2025 रोजी सांयकाळी 04.00 वा.चे सुमा घरी असताना फसवणुकदाराने अनोळखी मोबाईलवरुन तक्रारदार यांना संपर्क साधुन मी टेलीकॉम डिपार्टमेंट मधून टेलिकॉम ऑफिसर बोलत आहे असे सांगुन, तुमचा मोबाईल क्रमांकाचा मिसयुज झालेला असुन, तुमच्या विरोधात कुलाबा पोलीस स्टेशन मुबई येथे गुन्हा दाखल झाला आहे व सदर गुन्हयाचा तपास कुलाबा पोलीस स्टेशन मुंबई येथील पोलीस सब इन्स्पेक्टर विजय खन्ना हे करीत आहेत असे सांगुन, पुन्हा तक्रारदार यांना अनोळखी मो. क्र. +917207888598 यावरून चॉटसअप कॉल करुन मी विजय खन्ना सब इन्स्पेक्टर कुलाबा पोलीस स्टेशन मुंबई येथुन बोलत आहे असे सांगुन, तक्रारदार यांचे कौटुंबिक माहिती घेवून कुलाबा पोलीस स्टेशन येथे एक मनी लाँडरींगचा गुन्हा दाखल असून त्याचा तपास सीबीआय ऑफिसर प्रविण सुद हे करीत आहेत असे सांगितले व फोन ठेवला. पुन्हा दुसऱ्या अनोळखी वॉटसअॅप क्र. +919146979289 यावरून कॉल करुन, एक डुप्लीकेट आधारकार्डची फोटो कॉपी व तक्रारदार यांचे नावे असलेले कॅनरा बँकेचे एटीएम कार्डची फोटो कॉपी पाठवून, तुमचे हे आधारकार्ड व एटीएमकार्ड कुलाबा पोलीस स्टेशन येथे दाखल असलेल्या मनी लौंडरींग गुन्हयातील आरोपी नामे नरेश गोयल याचे घरामध्ये सापडले आहे. नरेश गोयल यास अटक केली असून तपासामध्ये आपल्या नाव असलेल्या कॅनरा बँक खात्यामध्ये मोठ्या प्रमाणात संशयास्पद आर्थिक उलाढाल झाली असून या प्रकरणामध्ये आपला ही सहभाग असल्याचे तपासात निष्पन्न झाले आहे असे सांगितले व तक्रारदार यांचे नावाने अरेस्ट वॉरट, सुप्रिम कोर्टाची नोटीस सव्हॅलन्सचे ३ पानी इंग्रजी मध्ये नियम असलेली नोटीस व्हॉटसअॅपवर पाठवून भिती घालुन तक्रारदार यांना एकुण 21,25,161/- रु इतकी रक्कम वेगवेगळ्या खात्यात विभागणी करुन पाठविण्यास सांगुन त्यांची ऑनलाईन आर्थिक फसवणुक केल्याबाबत दि.०४/१२/२०२४ रोजी गुन्हा दाखल करण्यात आला आहे. हा गुन्हा दाखल झालेनंतर सायबर एक्स्पर्ट टिमने तांत्रिक विश्लेषण व इतर पुरावे याव्दारे दिल्ली येथुन आरोपी राघवेंद्र सिंग, पिता मुलचंद वय 38 वर्षे रा. प्लॉट नं. 336, ग्राऊंड फ्लोअर गल्ली नं.02, हायटेंशन रोड, कपासहेडा दक्षिण-पश्चिम नवी दिल्ली. यास दि. 17/03/2026 रोजी अटक केली.
या आरोपीकडुन पोलीस कोठडीदरम्यान त्याचे एकुण ०१ साथीदार निष्पन्न केले असुन, उर्वरीत साथीदाराचा शोध घेत आहेत. गुन्हयात वापरलेला मोबाईल व फसवणुक रकमेपैकी ९,५०,०००/- रु रोख रक्कम हस्तगत करण्यात आली व गुन्हा उघडकीस आणला आहे. उर्वरीत आरोपीत बाबत तपास सुरु आहे.
सदरची कामगिरी पोलीस आयुक्त सोलापूर शहर एम. राजकुमार, पोलीस उप-आयुक्त (गुन्हे/विशा) डॉ. अश्विनी पाटील, सहा. पोलीस आयुक्त (गुन्हे), राजन माने यांचे मार्गदर्शनाखाली वरिष्ठ पोलीस निरिक्षक, श्रीशैल गजा सोबत पोलीस उप-निरिक्षक नागेश इंगळे, पोसई प्रविण भोपळे, पोहेकॉ गंगावणे, कृष्णात जाधव, प्रकाश गायकवाड, मच्छिंद्र राठोड, पोकॉ रतिकांत राजमाने यांनी पार पाडली.
पोलीस आयुक्तालयाकडून नागरीकांना आवाहन
सोलापूर शहरातील लोकांना सोशल मिडीयाव्दारे, वॉटसअॅप कॉल, फोन कॉल करुन हिंदी /इंग्रजी भाषे मध्ये बोलून भिती व समाजात बदनामी होईल अशी भिती दाखवत आर्थिक फसवणूकीच्या घटना घडत आहेत. तसेच मनि लाँड्रीग केसमध्ये तुमचा सहभाग आहे, त्यामध्ये तुमचे बँक खाते / एटीएमकार्ड, मोबाईल सिमकार्ड वापरले गेले आहे अशी माहिती देवून तुम्हाला डिजीटल अरेस्टची भिती घालने अशा प्रकारच्या घटने संदर्भात कोणास कॉल अथवा सोशल मिडीयावरुन व्हीडीओ कॉल आल्यास त्यांना प्रतिसाद न देता सोलापूर शहर सायबर पोलीस ठाणे, पोलीस आयुक्त कार्यालय किंवा जवळच्या पोलीस ठाणे येथे तक्रार तसेच नॅशनल सायबर क्राईम पोर्टल टोल फ्रि क्रमांक १९३० वर मोबाईलवरुन संपर्क साधुन तक्रार दाखल करावी.
