नांदेड – शिवसेना शिंदे गटाचे जिल्हा परिषदेचे इच्छुक उमेदवार उद्धव पाटील शिंदे शिवसेना तालुकाप्रमुख दक्षिण नांदेड यांच्या जनसंपर्क कार्यालयाचा शुभारंभ दिनांक २३ नोव्हेंबर रोजी लातूर फाटा वाजेगाव या ठिकाणी करण्यात आला याप्रसंगी बोलताना हेमंत पाटील त्यांनी पदाधिकाऱ्यांना सांगितले की मुस्लिम वस्तीत जाऊन त्यांच्या सुखदुःखाची विचारपूस करणे हे आपले कर्तव्य आहे आणि यामुळे सर्व समाजाशी मैत्रीपूर्ण संबंध राहतील जेणेकरून ते आपले हितचिंतक बनतील.
आगामी चालू असलेल्या जिल्हा परिषद निवडणुका २०२५ यांच्या लगबगीचा कार्यक्रम इच्छुक उमेदवारांमध्ये चालू असल्याने उमेदवार आपल्या सर्कलमध्ये जाऊन मतदारांशी भेटीगाठी घेऊन आपली बाजू मजबूत करत असल्याचे दिसून येते या निवडणूक संबंधी धनेगाव सर्कलचे इच्छुक उमेदवार शिवसेना तालुका अध्यक्ष दक्षिण नांदेड यांच्या जनसंपर्क कार्यालयाच्या शुभारंभ आ. हेमंत पाटील व दक्षिणचे आ. आनंदराव पाटील बोंढारकर यांच्या हस्ते करण्यात आले.
यावेळी या कार्यक्रमाचे प्रास्तावित इच्छुक उमेदवार अनुराधा उद्धव पाटील शिंदे यांनी केले तर तालुका अध्यक्ष उद्धव पाटील शिंदे यांनी आपल्या मनोगतात मला पक्षश्रेष्ठीने संधी दिल्यास मी आ. हेमंत पाटील व आ. आनंदराव पाटील बोंढारकर यांच्या मदतीने या सर्कलमध्ये विकासात्मक कामे करून या सर्कलचा कायापालट करू असे मत व्यक्त केले. त्यानंतर आमदार बोंढारकर यांनी उपमुख्यमंत्री एकनाथ शिंदे व आ. हेमंत पाटील यांचे हात बळकट करण्यासाठी धनुष्य बाणास निवडून द्या. दक्षिण मतदारसंघ हा शिवसेनेचा बालेकिल्ला आहे आणि ते राहणार असा विश्वास दर्शविला जनतेची साथ झाल्यास दक्षिणचा कायापालट करून टाकू असेही मत मांडले.
पुढे बोलताना आ. हेमंत पाटील म्हणाले की आता उमेदवार आम्ही निवडायचा नाही तर ते मतदारांनी निवडायचा आहे. हे काम आमच्यासाठी सोपे झाले आहे हे काम मी जनतेवर सोपवणार आहे तुम्ही आशीर्वाद देऊन धनुष्यबाणाला ४ ही सर्कलमधून विजयी करा व उपमुख्यमंत्री एकनाथ शिंदे यांचे हात बळकट करा असे आव्हान मतदारांना या जनसंपर्क कार्यालयाच्या शुभारंभ प्रसंगी बोलत होते.
यावेळी मंचावर रावसाहेब महाराज घनेगावकर, तुळजेश यादव,विनय गिरडे, बाळू पाटील मोरे, अशोक मोरे, शिवाजी कदम, बालाजी पाटील भायगावकर डॉक्टर बालाजी पवार संभाजी पवार, बालाजी भंगारे, बबन जोंधळे यांची उपस्थिती होती तर या कार्यक्रमाचे सूत्रसंचालन गौतम पवार यांनी केले या कार्यालयाच्या शुभारंभ प्रसंगी सर्कल मधील हजारो शिवसैनिकांची उपस्थिती होती.
