पंढरपूर – महाराष्ट्रात नामांकित असणारा क्रांतिवीर वसंतदादा बडवे हिंदुत्व शौर्य पुरस्कार यावर्षी पुण्याचे झुंजार हिंदुत्वनिष्ठ नेते आनंद दवे यांना जाहीर झाला असून येत्या १९ ऑक्टोंबर २०२५ रोजी तो प्रदान करण्यात येणार असल्याची माहिती येथील हिंदुमहासभेचे नेते तथा क्रांतीवीर वसंतदादा बडवे ट्रस्टचे प्रमुख अभयसिंह कुलकर्णी (इचगांवकर ) यांनी दिली.
या पुरस्कार सोहळ्या संदर्भात माहिती देताना इचगांवकर कुलकर्णी यांनी सांगितले की, पंढरपुरातील सशस्त्र क्रांतिकारक, गोवा मुक्ती वीर, हैद्राबाद सत्याग्रही,कट्टर सावरकरवादी, समाजसुधारक क्रांतीवीर वसंतदादा बडवे यांच्या पुण्यस्मरणा निमित्त दरवर्षी त्यांच्या नावे असलेला हा पुरस्कार दिला जातो.
या वर्षीचा हा पुरस्कार पुणे येथील कडवे हिंदूत्ववादी आनंद दवे यांना देण्यात येणार आहे. आजपर्यंत हिंदूत्ववादासाठी श्री.दवे यांनी प्रखर भूमिका घेतलेली आहे. ब्राह्मण महासंघ, हिंदू महासंघ या माध्यमातून अनेक क्रांतिकारी आंदोलने त्यांनी हाताळली असून, अनेक दूरचित्रवाणीच्या वाहिन्यांवरील चर्चांतून हिंदुत्ववादी बाजू त्यांनी प्रभावीपणे मांडली आहे. त्यामुळेच या वर्षीच्या पुरस्कारासाठी त्यांच्या नावाची घोषणा करण्यात आली आहे. त्यांच्या नावाची या पुरस्कारासाठी घोषणा करताच योग्य व्यक्तीला हा पुरस्कार देण्यात येत असल्या बद्दल जनतेतून देखील समाधान व्यक्त केले जात असून या पुरस्कार कार्यक्रमा विषयी हिंदूत्वप्रेमी नागरिकांमध्ये ऊत्सुकता शिगेला पोहचली आहे.
येथील विठ्ठल मंदिराच्या जवळ असलेल्या रुक्मिणी पटांगणातील क्रांतिवीर वसंतबाबाजी बडवे यांच्या पुतळ्या लगत येत्या १९ ऑक्टोंबर २०२५ रोजी सायंकाळी सात वाजता हा पुरस्कार प्रदान सोहळा आयोजिण्यात आला आहे. या पुरस्कार प्रदान सोहळ्यास हिंदूत्वप्रेमी नागरिकांनी मोठ्या संख्येने उपस्थित रहावे असे आवाहन हिंदूमहासभा व क्रांतीवीर वसंतदादा बडवे ट्रस्टचे अभयसिंह कुलकर्णी, विवेक बेणारे, विकास मोरे, महेश खिस्ते, प्रशांत खंडागळे, रामसखा बडवे आदींनी केले आहे.
——————–
चौकट : ( या पुरस्काराचे असे आहे स्वरुप )
अकरा सहस्त्र रोख, सन्मानपत्र, महावस्त्र तसेच कु़ंडलिनी कृपाणांकित हिन्दुध्वज, श्री विठ्ठल मंदिराशेजारी कै. बडवे दादांच्या पुतळ्यापाशी साधूसंतांच्या हातून जंगी सत्कारात हा पुरस्कार दिला जातो, की जणू साक्षात श्री विठ्ठलाचा आशीर्वादच.
————————–
चौकट : ( या महनीय मंडळींना प्रदान करण्यात आला पुरस्कार ) आजपर्यंत हा पुरस्कार एस.एल.भैरप्पा, मिलिंद एकबोटे, शरद पोंक्षे, बंडातात्या कराडकर, हिरामण गवळी, प्रमोद मुतालिक, हिमानी सावरकर, अभय वर्तक, धनंजय देसाई, संजीव पुनाळेकर, आदी महनीय, देव देश अन धर्मासाठी लढणाऱ्या व्यक्तींना प्रदान करण्यात आलेला आहे.
—महेश भंडारकवठेकर
महेश भंडारकवठेकर,
पंढरपूर.
मो. 7588020766,9881377070
