सांगोला – सांगोला नगरपरिषद सार्वत्रिक निवडणूक-२०२५ साठी सोमवार दि.१० नोव्हेंबर पासून नामनिर्देशन पत्रे स्वीकारण्यासाठी सुरुवात झाली असून रविवार दि.१६ नोव्हेंबर रोजी अध्यक्षपदासाठी ५ नामनिर्देशन पत्र प्राप्त झाले असून यामध्ये ४ पुरुष व १ महिला उमेदवार यांनी अर्ज दाखल केला आहे. तसेच सदस्यपदासाठी १० प्रभागातून ६६ नामनिर्देशन पत्र प्राप्त झाले असल्याची माहिती निवडणूक निर्णय अधिकारी सैपन नदाफ यांनी दिली.
सदस्यपदासाठी प्रभाग क्र.१ अ-(ना.मा.प्र.महिला) ३ अर्ज, १ ब-(सर्वसाधारण) ४ अर्ज, प्रभाग क्र.२ अ-(अनू.जाती) ३ अर्ज, २ ब-(सर्वसाधारण महिला) ६ अर्ज, प्रभाग क्र.३ अ-(अनू.जाती महिला) ६ अर्ज, ३ ब-(सर्वसाधारण) २ अर्ज, प्रभाग क्र.४ अ-(सर्वसाधारण महिला) १ अर्ज, ४ ब – (सर्वसाधारण) २ अर्ज, प्रभाग क्र.५ अ -(ना.मा.प्र.) ४ अर्ज, ५ ब-(सर्वसाधारण महिला) १ अर्ज, प्रभाग क्र.६ अ-(ना.मा.प्र.महिला) ३ अर्ज, ६ ब-(सर्वसाधारण) ३ अर्ज, प्रभाग क्र.७ अ-(ना.मा.प्र) ३ अर्ज, ७ ब-(सर्वसाधारण महिला) २ अर्ज, प्रभाग क्र.९ अ-(ना.मा.प्र.) ३ अर्ज, ९ ब -(सर्वसाधारण महिला) ३ अर्ज, प्रभाग क्र.१० अ-(सर्वसाधारण महिला) ३ अर्ज, १० ब-(सर्वसाधारण) ६ अर्ज, प्रभाग क्र.११ ब-(सर्वसाधारण महिला) २ अर्ज, ११ क-(सर्वसाधारण) ६ अर्ज असे एकूण ६६ अर्ज दाखल झाले असून यामध्ये ३७ पुरुष व २९ महिला उमेदवार यांनी अर्ज दाखल केले आहेत अशी माहिती सहा.निवडणूक निर्णय अधिकारी डॉ.सुधीर गवळी यांनी दिली.
मतदान केंद्राध्यक्ष व अधिकारी यांचे पहिले प्रशिक्षण पूर्ण
सांगोला नगरपरिषद सार्वत्रिक निवडणूकीसाठी दि.२ डिसेंबर रोजी मतदान होणार असून सदर मतदान व्यवस्थितपणे पार पाडण्यासाठी पूर्वतयारी म्हणून मतदान केंद्राध्यक्ष व मतदान अधिकारी यांचे पहिले प्रशिक्षण रविवार दि.१६ नोव्हेंबर रोजी अहिल्यादेवी होळकर सभागृह येथे घेण्यात आले. सदर प्रशिक्षणात सांगोला तहसील कार्यालय येथील समाधान वाघमोडे यांनी मतदान केंद्रावर कशाप्रकारे कर्तव्य पार पाडायचे याबद्दल माहिती दिली. तसेच इव्हीएम मशिन्स हाताळण्याची माहिती दिली. यावेळी निवडणूक निर्णय अधिकारी सैपन नदाफ यांनी मार्गदर्शन केले. सदर प्रशिक्षणासाठी सहा.निवडणूक निर्णय अधिकारी डॉ.सुधीर गवळी, नायब तहसीलदार सोमनाथ साळुंखे, प्रशासकीय अधिकारी सचिन पाडे उपस्थित होते.
