बार्शी – दि.१९ फेब्रुवारी रोजी छत्रपती शिवाजी महाराज यांच्या जयंतीनिमित्त बार्शी शहरातील मंगळवार पेठ येथे सार्वजनिक शिवजयंती उत्सव मोठ्या उत्साहात व जल्लोषात साजरा करण्यात आला. भगव्या पताकां व झेंडा यांनी सजलेल्या परिसरात आणि “जय जिजाऊ, जय शिवराय”च्या घोषणांनी वातावरण दुमदुमून गेले.
छत्रपती शिवरायांच्या प्रतिमेला मान्यवरांच्या हस्ते पुष्पहार अर्पण करून अभिवादन करण्यात आले. यावेळी नगरसेवक संतोष भैय्या बारंगुळे, मोहिनी बारंगुळे,मारुती लोंढे,लता लोंढे यांच्या हस्ते सपत्नीक शिवआरती करण्यात आली. यावेळी रंजना बारंगुळे, रेणुका भोसले,कांचन लोंढे,वर्षा बारंगुळे, वैष्णवी बारंगुळे,सायली लोंढे,भावना घोडके,शितल घोलप, आरती व्होटकर, अश्विनी घोलप,अनिता पलंगे,सविता पलंगे, अमोल बारंगुळे,सुरज लोंढे, भाऊसाहेब साळुंखे,धिरज लोंढे, राहुल बारंगुळे, रुपेश लोंढे,रणजीत बारंगुळे, पत्रकार गणेश घोलप,समर्थ बारंगुळे,संतोष घोलप, विजय पलंगे, ओंकार घोलप,सुहास पलंगे, विराज बारंगुळे, समाधान बारंगुळे, तुकाराम शिंदे,मनोज म्हातेकर, योगेश घोलप, ऋतिक पलंगे,साहिल बारंगुळे, शुभम हांडे,ऋषी मारडकर, राहुल डोके, संदीप बारंगुळे आदी उपस्थित होते.
उपस्थित महिलांनी शिववंदना करुन छत्रपती शिवाजी महाराजांची मूर्ती पाळण्यात ठेवून पाळणा गीत सादर करीत शिव आरती करण्यात आली तसेच फटाक्यांची नेत्रदीपक आतिषबाजी व विद्युत रोषणाई करण्यात आली. महिलांनी पारंपरिक वेशभूषेत उपस्थित राहून कार्यक्रमाला ऐतिहासिक व सांस्कृतिक स्वरूप दिले.
कार्यक्रमाच्या शेवटी सर्व उपस्थितांनी एकमुखाने “जय जिजाऊ, जय शिवराय”व छत्रपती शिवाजी महाराज की जय अशा घोषणा देत शिवरायांच्या आदर्शांनुसार समाजकार्यात योगदान देण्याचा संकल्प व्यक्त केला. यंदाची शिवजयंती भक्तीभाव, उत्साहात आणि ऐतिहासिक अभिमानाच्या वातावरणात संपन्न झाली. उपस्थित सर्व शिवभक्तांना लाडूचा महाप्रसाद वाटप करण्यात आला.
या कार्यक्रमास परिसरातील नागरिक मोठ्या संख्येने उपस्थित होते.
