सोलापूर – शिवसेना वैद्यकीय मदत कक्ष सोलापूर महिला जिल्हाप्रमुख पदी रुग्णसेविका अरुणा बेंजरपे यांची निवड करण्यात आली, संस्थापक मंगेश चिवटे आणि कार्याध्यक्ष रामहरी राऊत यांच्या सहीचे पत्र शिवसेना जिल्हाप्रमुख अमोल शिंदे यांनी दिले.
राज्याचे उपमुख्यमंत्री एकनाथ शिंदे, खा. डॉ.श्रीकांत शिंदे यांच्या आदेशाने आणि मंगेश चिवटे यांच्या मार्गदर्शनाखाली बाळासाहेब ठाकरे शिवसेना वैद्यकीय मदत कक्षाच्या सोलापूर – जिल्हाप्रमुख पदी ६ महिन्या करीता निवड करण्यात येत आहे. शिवसेना वैद्यकीय मदत कक्षाच्या माध्यमातून आपण गोर-गरीब, गरजू आणि आर्थिक दुर्बल घटकांतील रुग्णांना धर्मादाय रुग्णालयांत (१०%) राखीव खाटा उपलब्ध करुन देणे, निकषात बसत असलेल्या गरीब रुग्णांवर पुर्णतःमोफत किंवा सवलतीच्या दरात शस्रक्रिया करण्या संदर्भातील मदत, तसेच महात्मा फुले जनआरोग्य योजने अंतर्गत नोंदणी असलेल्या रुग्णालयांमध्ये गरजू रु्णांना शस्त्रक्रिया मोफत करणेसंदर्भात योग्य मार्गदर्शनासाठी सदैव तत्पर रहावे.
गंभीर-महागड्या शस्त्रक्रिया करावयाच्या असलेल्या गोरगरीब-गरजू रुणांना भरीव प्रमाणात अर्थ सहाय्य व्हावे याकरीता पंतप्रधान वैद्यकीय सहाय्यता निधी, मुख्यमंत्री वैद्यकीय सहाय्यता निधी, श्री.सिध्दिविनायक ट्रस्ट, टाटा ट्रस्ट यांसारख्या विविध ट्र्टच्या माध्यमातून मदत मिळवून देण्यासाठी थेट बाळासाहेब भवन येथील मुख्य कार्यालयास संपर्क साधावा असे देण्यात आलेल्या पत्रामध्ये म्हंटले आहे.
याप्रसंगी उपजिल्हाप्रमुख अक्षय बिद्री, तालुका प्रमुख राजकुमार शिंदे, वाहतूक सेना विजय गरड, शशिकांत शिंदे, कुमार धुमाळ, सामाजिक कार्यकर्त्या सोनाली सगर यांच्यासह पदाधिकारी उपस्थित होते.
