टेंभुर्णी – टेंभुर्णी येथील श्री गणपती इन्स्टिट्यूट ऑफ फार्मास्युटिकल सायन्सेस अँड रिसर्चच्या खोखो संघांनी अलिकडेच झालेल्या डॉ. बाबासाहेब आंबेडकर टेक्नॉलॉजिकल युनिव्हर्सिटी च्या झोनल लेव्हल खोखो सामन्यांमध्ये कौतुकास्पद कामगिरी केली.
ही बहुप्रतिक्षित स्पर्धा सोलापूर येथे दि. 19 नोव्हेंबर रोजी ए. जी. पाटील इन्स्टिट्यूट ऑफ टेक्नॉलॉजीने आयोजित केली होती. मुलींच्या संघाने त्यांच्या स्पर्धेच्या मोहिमेची सुरुवात उच्च-ऊर्जेने सुरुवातीच्या प्रतिस्पर्ध्यांना यशस्वीरित्या पराभूत केले. त्यांनी श्री सिद्धेश्वर कॉलेज ऑफ इंजिनियरिंग, सोलापूर संघावर २- १ ने विजय मिळवला. सांघिक समन्वय, संरक्षण आणि जलद पाठलाग कौशल्य हे या सामन्याचे निर्णायक घटक ठरले.
या यशाबद्दल संस्थापक सचिव डॉ. रवींद्र बेंदगुडे, प्राचार्या डॉ. रुपाली बेंदगुडे, सर्व विद्यार्थी, शिक्षक व शिक्षकेत्तर कर्मचारी यांनी अभिनंदन केले व पुढील स्पर्धेसाठी शुभेच्छा दिल्या.संस्थेचे अध्यक्ष ॲड. विजयराव हिरवे आणि उपाध्यक्ष बाबा येडगे यांनी विद्यार्थ्यांचा गौरव करत त्यांच्या यशाचे कौतुक केले.
या स्पर्धेसाठी महाविद्यालयातर्फे टीम कोच व समन्वयक म्हणून प्रा. धनश्री जाधवर यांनी काम पाहिले व त्यांना क्रीडा समन्वयक प्रा. शैलेश पेंदोर व प्रा. महेश दोडतळे यांनी मार्गदर्शन केले.
