मुदखेड – दक्षिण मध्य रेल्वे झोन सिकंदराबाद येथील महाव्यवस्थापकांचा नियोजित सुरक्षा निरीक्षण दौरा दि. ५ फेब्रुवारी रोजी नांदेड डिव्हिजनच्या कार्यक्षेत्रात येणाऱ्या सर्व रेल्वे स्थानकांवर सुरक्षा विषयक पाहणी दौरा आयोजित होता मुदखेड रेल्वे स्टेशनचा अमृतभारत या योजनेखाली पुनर्विकास या योजनेअंतर्गत विकास कामे प्रगतीपथावर असून विकास कामांची प्रगती जाणून घेण्यासाठी दौऱ्यावर आले असता मुदखेड शहर काँग्रेस शिष्टमंडळाने सिकंदराबाद झोन दक्षिण मध्य रेल्वेचे महाव्यवस्थापक संजय कुमार श्रीवास्तव यांची भेट घेत रेल्वे संदर्भातील विविध समस्येबद्दल माहिती अवगत करून देत निवेदन सादर केले निवेदनात शहरातील बंद पडलेल्या रेल्वे फाटकावरून फुट ओव्हर ब्रिज सुरू करून होणारी स्थानिकांची अडचण दूर करण्यात यावी व इतर मागण्या निवेदनात समाविष्ट करण्यात आल्या.
रेल्वे विभागाने रेल्वे गेट कायमस्वरूपी बंद केल्यामुळे स्थानिक प्रशासनाने पर्यायी मार्ग म्हणून डिसेंबर २०२३ वर्षी रेल्वे भुयारी मार्ग सुरू करत स्थानिकांची अडचण दूर केली परंतु भुयारी मार्गातून शालेय विद्यार्थ्यांना, महिलांना आणि वयोवृद्ध नागरिकांना मार्गातून पायपीट करणे खूपच अवघड असून बंद पडलेल्या रेल्वे गेटमधून वाकून शहरातल्या दक्षिण आणि उत्तर भागात नागरिक येजा करतात परंतु हे धोकादायक आणि अपघातीचे प्रण असून बंद पडलेल्या रेल्वे गेटवरून कायमस्वरूपी तोडगा म्हणून फुट ओवर ब्रिज रेल्वेने पायलट प्रोजेक्ट म्हणून सुरू करावे, मुदखेड रेल्वे जंक्शन असून मराठवाड्यातील एकमेव सर्वात मोठा रेल्वे जंक्शन म्हणून परिचित असून विशेष म्हणजे शहरात केंद्रीय रिझर्व पोलीस बलाचे प्रशिक्षण महाविद्यालय राष्ट्रीय पातळीवरील तिसऱ्या क्रमांकाचे असून देशभरातून विविध राज्यातून सैनिक प्रशिक्षण घेण्यासाठी ये-जा करतात या रेल्वे स्थानकावर काही रेल्वे गाड्यांचा कार्यालयीन थांबा नसल्यामुळे सैनिकांना आणि प्रवाशांना इतर दुसऱ्या रेल्वे स्टेशन वरून बोर्डिंग करावी लागते रेल्वे क्रं. १७६१० पुर्णा-पटना ११०१५ कोल्हापुर-धनबाद, १७०२० हैद्राबाद-जयपुर, १७६०५ काचीगुडा-भगत की कोटी रेल्वे एक्सप्रेस गाड्यांना मुदखेड रेल्वे स्टेशनवर दोन मिनिटांसाठी ऑफिशियल थांबा देण्यात यावे व आंध्र प्रदेश राज्यातील काकीनाडा जिल्ह्यातील पिठापुरम धार्मिक स्थळ असून दर्शनासाठी महाराष्ट्रातून हजारो धार्मिक यात्री यात्रा करतात परंतु पिठापुरम च्या ऐवजी इतर दुसऱ्या रेल्वे स्थानकावर त्यांना उतरावे लागते हे खूपच अडचणीचे असून दर्शनासाठी रेल्वे सुविधा म्हणून नांदेड पासून सुटणारी रेल्वे क्रं २०८१० नागवली एक्सप्रेस, आणि विशाखापटनम सुपरफास्ट एक्सप्रेस २०८१२ या दोन्ही रेल्वेना दोन मिनिटांसाठी पिठापुरम या रेल्वे स्टेशनवर कार्यालयीन थांबा देण्यात यावे अशी मागणी केली.
यावेळी जिल्हा सचिव सूर्यकांत चौदंते, जिल्हा सहसचिव गिरीश कोत्तावार,शहर युवक काँग्रेस अध्यक्ष मुजीब पठाण,नगरसेवक महमद खदिरभाई, माजी उपाध्यक्ष करीम खान ,शहर सचिव अतिक अहमद,खदीर भाई कुरेशी,रमेश बोडके,मोईन फुलारी,सुरेश पाटील ढगे, शिवसेनेचे माजी शहर प्रमुख विलास मैड,पत्रकार दिनेश शर्मा यासह आदींची उपस्थिती होती.
काँग्रेस शिष्टमंडळाचे निवेदन दक्षिण मध्य रेल्वे सिकंदराबाद झोन चे महाव्यवस्थापक संजय कुमार श्रीवास्तव यांनी स्वीकारून सकारात्मक दृष्टिकोनातून संबंधित समस्यांबद्दल विचार करण्याचं आश्वासन यावेळी शिष्ट मंडळांना देण्यात आला याप्रसंगी नांदेड दक्षिण मध्य रेल्वे विभागाचे विभागीय रेल्वे व्यवस्थापक प्रकाश कांबळे यांची उपस्थिती होती.
