सुस्ते – एका वर्षात 55 हजार लिटर दूध पुरवठा करणाऱ्या दूध उत्पादकाला पुढील दिवाळीला मोटारसायकल गिफ्ट म्हणून भेट देणार असल्याची घोषणा पंढरपूर तालुक्यातील सुस्ते येथील अंबिका दूध केंद्राचे चेअरमन प्रशांत चव्हाण यांनी केली आहे.
अंबिका दूध संकलन केंद्राच्यावतीने दीपावली सणाचे औचित्य साधून संस्थेला दूध पुरवठा करणाऱ्या सभासदाला येथील प्रगतशील बागायतदार श्रीकांत चव्हाण यांच्या हस्ते लाभांश वाटप करण्यात आला. यावेळी चेअरमन प्रशांत चव्हाण बोलत होते.पुढे बोलताना ते म्हणाले की आमच्या संस्थेवर विश्वास ठेवून दूध पुरवठा करणाऱ्या दूध उत्पादकांनी आतापर्यंत आमच्या संस्थेला मोठ्या प्रमाणावर चांगल्या क्वालिटीच्या दुधाचा पुरवठा केला आहे.सध्या सगळीकडे दुध खेचण्यासाठी दूध संस्थांमध्ये स्पर्धा लागल्या आहेत. पुढील काळातही आमच्या संस्थेला चांगल्या क्वालिटीचा दूध पुरवठा केल्यास आम्हीही दूध दरही चांगला देऊ व दिवाळीला देण्यात येणाऱ्या बोनसामध्येही वाढ करू असे आश्वासनही चव्हाण यांनी दिले.
पुढील दिवाळीपर्यंत आमच्या संस्थेला 55 हजार लिटर दूध पुरवठा करणाऱ्या दूध उत्पादकांला मोटार सायकल गिफ्ट म्हणून भेट देण्यात येईल यासह दोन नंबरला दूध पुरवठा करणाऱ्या दूध उत्पादकाला दूध काढण्याची मशीन व तिसऱ्या क्रमांकाला कडबा कुट्टी गिफ्ट म्हणून भेट देण्यात येईल अशी घोषणाही यावेळी चेअरमन प्रशांत चव्हाण यांनी केली.
प्रारंभी या दूध संस्थेला 2024-25 या वर्षात सर्वाधिक दूध पुरवठा करून शिवाजी मधुकर पवार या दूध उत्पादकांने प्रथम क्रमांक मिळवला,गणेश गोपीनाथ चव्हाण यांनी द्वितीय तर गणेश मोरे यांनी तिसरा क्रमांक पटकावला आहे.
यावेळी विनायक चव्हाण, गणपत चहाण,रामेश्वर चव्हाण,अक्षय कांबळे अजिंक्य चव्हाण, विष्णू चव्हाण,गणेश गवळी,राजू कदम,बालाजी चव्हाण, तानाजी चव्हाण,संतोष चव्हाण,शुभम चव्हाण, रामचंद्र साहविठ्ठल,नवनाथ नागटीळक,धनाजी यावले, उमेश करपे,रमेश माने,अरुण शिंगण, नानासाहेब चव्हाण, किशन रनदिवे,रनजित चव्हाण,माऊली गायकवाड, अंबादास वायदंडे,प्रताप चव्हाण,कुमार गायकवाड, अनिकेत भोसले या दूध उत्पादकांनाही लाभांश वाटप करण्यात आला. यावेळी दूध उत्पादकासह ग्रामस्थही मोठ्या संख्येने उपस्थित होते. आभार बालाजी चव्हाण यांनी मांनले.






















