सोलापूर – प्रभाग क्रमांक २० मध्ये चारच मुस्लिम समाजाचे नगरसेवक निवडून येणार असल्याची चर्चा सर्वत्र रंगत आहे. यामध्ये मुस्लिम समाजावर अन्याय होतोय. या प्रभाग रचनेवर आमची हरकत असून यासंदर्भात हायकोर्ट व सुप्रीम कोर्टात दाद मागणार असल्याची माहिती माजी नगरसेवक तौफिक पैलवान यांनी दिली.
महापालिकेच्या वतीने प्रभाग रचना जाहीर करण्यात आली. 2017 साली जी प्रभाग रचना जाहीर करण्यात आली होती. तीच प्रभाग रचना असण्याची दाट शक्यता वर्तवली जात होती. परंतु सोमवारी महापालिकेच्या वतीने अंतिम प्रभाग रचना जाहीर करण्यात आली. त्यामध्ये सोलापूर शहरातील काही प्रभागात फेरबदल करण्यात आला. विशेषता हद्दवाढ भाग नई जिंदगी परिसरातील प्रभाग 20 आणि 21 यात मोठा फेरबदल झाल्याने आजी-माजी व भावी नगरसेवक हे देखील अचंबित झाले.
प्रभाग 20 आणि 21 ची रचना ही जाणून-बुजून करण्यात आली आहे. यात प्रभाग 20 मध्ये दोन नगरसेवक मुस्लिम तर दोन नगरसेवक इतर धर्माचे निवडून येतात व प्रभाग 21 मध्ये चारही नगरसेवक ही मुस्लिम समाजाचे निवडून येतात, अशी परिस्थिती असताना प्रभाग 20 व 21 यामध्ये फेरबदल करण्यात आले असल्याची माहिती माजी नगरसेवक तोफिक शेख यांनी दिली.
