कोलंबो – भारताच्या महिला संघाने ऑस्ट्रेलियावर नऊ गडी राखून दणदणीत विजय मिळवत दिव्यांगांच्या (अंध) विश्वचषक टी-२० क्रिकेट स्पर्धेच्या अंतिम फेरीत प्रवेश केला.
अंतिम फेरीत त्यांची लढत नेपाळबरोबर होईल. श्रीलंकेतील कोलंबो येथील पिसारा ओव्हल मैदानावर शनिवारी झालेल्या उपांत्य सामन्यात नाणेफेक जिंकून प्रथम क्षेत्ररक्षण करणाऱ्या भारतीय संघाने ऑस्ट्रेलियाला निर्धारित २० षटकांत ९ गडी गमावून केवळ १०९ धावांवर रोखले. हे आव्हान भारतीय संघाने अवघ्या ११.५ षटकांत १ गडी गमावून पूर्ण केले.
भारताच्या विजयात सोलापूरच्या गंगा कदम हिचा अष्टपैलू खेळ निर्णायक ठरला. तिने सलामीला येत ३१ चेंडूंत ३ चौकारांच्या मदतीने नाबाद ४१ धावा केल्या. गोलंदाजीत तिने २ षटकात १ निर्धाव टाकत केवळ ५ धावा दिल्या. ओडिसाची बसंती हंसदा सामनावीर ठरली. तिने ४५ धावा करीत दोन खेळाडूंना धावबाद केले.दुसऱ्या उपांत्य सामन्यात नेपाळ संघाने पाकिस्तानचा ७ गडी राखून पराभव केला.
आज भारत – नेपाळ अंतिम लढतरविवार सकाळी ११:०० वाजल्यापासूनस्थळ: पिसारा ओव्हल मैदान कोलंबो, श्रीलंका
