तरुण भारत फ्लॅश न्यूज /मुंबई : मागील काही दिवसांपासून महाराष्ट्रात पावसाने उसंत घेतल्याचं चित्र पाहायला मिळतंय. अनेक भागांत ढगाळ वातावरण असून केवळ हलक्या सरींचा अनुभव काही ठिकाणी घेतला जात आहे. यामुळे शेतकरी वर्ग चिंतेत असून खरिपाच्या पेरण्यांवर त्याचा परिणाम होत आहे. अशातच आज १७ जुलै गुरुवारी हवामान विभागाने राज्यातील काही जिल्ह्यांसाठी विजांच्या कडकडाटासह हलक्या पावसाचा अंदाज वर्तवला आहे.
विशेषतः विदर्भ आणि मराठवाडा या भागांतील हवामानात उष्णता वाढली असून अनेक जिल्ह्यांमध्ये तापमान ३५ अंश सेल्सिअसच्या पुढे गेले आहे. पण याच भागात आज काही जिल्ह्यांमध्ये विजांचा कडकडाट, वादळी वारे आणि हलक्या ते मध्यम स्वरूपाच्या सरींची शक्यता वर्तवण्यात आली आहे.
पावसाची शक्यता असलेले १४ जिल्हे:
विदर्भ:
- नागपूर
- अकोला
- अमरावती
- यवतमाळ
- वर्धा
- भंडारा
- चंद्रपूर
मराठवाडा:
- हिंगोली
- नांदेड
- परभणी
- बीड
- उस्मानाबाद
उत्तर महाराष्ट्र:
- नाशिक
- धुळे
या जिल्ह्यांमध्ये दुपारी किंवा संध्याकाळी विजांच्या कडकडाटासह हलक्या ते मध्यम स्वरूपाच्या पावसाच्या सरी कोसळू शकतात, असा अंदाज हवामान खात्याने व्यक्त केला आहे.
शेतकऱ्यांसाठी
- वीज चमकण्याच्या शक्यतेमुळे शेतकऱ्यांनी आकाशात वीज चमकू लागल्यास तातडीने सुरक्षित ठिकाणी आसरा घ्यावा.
- खेतात काम करताना काळजी घ्यावी आणि शक्य असल्यास आज काम थांबवावे.
- धान्य साठवणूक योग्य पद्धतीने करावी.
