सोलापूर – विधानसभेचे उपाध्यक्ष अण्णा बनसोडे यांनी केवळ जुळे सोलापूर नव्हे तर “बाळे ते जुळे “इथपर्यंत अजित पवार राष्ट्रवादीचे नगरसेवक महानगरपालिकेत गेले पाहिजेत, असा विश्वास अण्णा बनसोडे यांनी व्यक्त केला. ते जुळे सोलापूर भागातील प्रभाग २४ आणि २६ मधील पदाधिकाऱ्यांच्या बैठकीचे आयोजन गोविंदश्री मंगल कार्यालयात करण्यात आले होते. यावेळी ते बोलत होते.
या बैठकीत महानगरपालिका जिंकण्याचा निर्धार राष्ट्रवादीचे सहसंपर्क मंत्री अण्णा बनसोडे यांच्या साक्षीने पदाधिकारी आणि कार्यकर्त्यांनी केला. सोलापूर शहरात गेल्या अनेक वर्षापासून राष्ट्रवादी पक्षाचे काम मोठ्या जोमाने सुरू आहे सातत्याने अजित पवार यांच्या पक्षाकडे येण्याचा ओढा अनेकांचा वाढला आहे.जुळे सोलापूर भागामध्ये यंदा कोणत्याही परिस्थितीत अजित पवार यांच्या राष्ट्रवादीचे जास्तीत जास्त नगरसेवक सोलापूर महानगरपालिकेत जातील, असा विश्वास प्रमोद भोसले यांनी यावेळी बोलताना व्यक्त केला.
याप्रसंगी राष्ट्रवादीचे शहर जिल्हाध्यक्ष संतोष पवार कार्याध्यक्ष जुबेर बागवान , महिला आघाडी अध्यक्ष संगीता जोगधनकर, महिला आघाडी कार्याध्यक्ष चित्रा कदम,जेष्ठ नेते हेमंत चौधरी, माजी परिवहन समिती सभापती आनंद मुस्तारे, विद्यार्थी अध्यक्ष अनिकेत व्हसुरे, जनरल सेक्रेटरी प्रमोद भोसले माजी नगरसेविका नूतन गायकवाड,प्रदेश सचिव विशाल बंगाळे उपस्थित होते.
