सोलापूर – माघवारी निमित्त दरवर्षी प्रमाणे यंदाही सोलापूरातील श्री संत ज्ञानेश्वर महाराज व श्री संत तुकाराम महाराज पालखी पंढरपूरकडे मार्गस्थ होत असताना 200 वर्षा पेक्षा जास्त काळ झाला तरी वारी परंपरा तशीच टिकून आहे . सोलापूर शहरातील 33 दिंडी व परिसरातील 25 दिंडी आणि 25 भजनी मंडळ या सर्वाच्या उपस्थिती मध्ये 24 जाने. ला दुपारी 3.00 वा. संत ज्ञानेश्वर महाराज पालखीचे पूजन निळोबा जांभळे महाराज, सुमंत शेळके व संत तुकाराम महाराज पालखीचे पूजन पांडुरंग जगताप, नामदेव रणदिवे,भूषण जाधव यांचे हस्ते केले असून पद्मशाली ज्ञाती संस्था सोलापूर सुरेश फलमारी (अध्यक्ष) यांचे कडून सर्व विणेकरी महाराजाचा सन्मान केला .
” नामा म्हणे केशवराजा | केला नेम चालवी माझा || ” या संत उक्ती प्रमाणे नित्यनेम भजन करून प्रस्थान केले . हा पालखी सोहळा ” ज्ञानोबा तुकाराम ” भजन करत नॉर्थकोट प्रशाला मैदान, पार्क चौक, सोलापूर येथे पोहोचला तदनंतर अखिल भाविक वारकरी मंडळा कडून जोतिराम चांगभले (प्रदेश अध्यक्ष), बळीराम जांभळे (राष्ट्रीय सचिव), संजय पवार (शहर अध्यक्ष ), मोहन शेळके (प्रदेश सचिव), इ. पदाधिकारी यांनी गोल रिंगण लावून घेतले. नामदेव पूलगम, विष्णुपंत मोरे महाराज व उपस्थित मान्यवरांचे हस्ते रिंगाणातील अश्व पूजन करून गणेश भंडारे, गजानन जगताप (चोपदार) यांचा सन्मान केला .
तदनंतर गोल रिंगण सोहळा प्रारंभी ध्वजा (पताका )धारी रिंगणास सुरुवात झाली आणि मैदानात चैतन्य निर्माण झाले. पारंपरिक इतर रिंगण पूर्ण करून शेवटी अश्व रिंगण सुरु झाले आणि सर्व भाविकांच्या मनामध्ये निर्माण झालेला भाव सर्वांच्या चेहऱ्यावर दिसत होता. हा सोहळा पाहण्यासाठी हजारो महिला भाविक व पुरुष , अबाल वृद्ध उपस्थित होते. तिथून सर्व दिंडीतील वारकरी श्री महादेव मंदिर साठे चाळ, सोलापूर या ठिकाणी येऊन आरती नंतर सांगता करण्यात आली .
तिथून पुढे दि. 25 ता. स.8.00 वा. विठ्ठल मंदिर, गवळी वस्ती, लक्ष्मी पेठ, सोलापूर येथून तिऱ्हे मार्गे पालखी सोहळा मार्गस्थ होईल. या सोहळाचे सूत्रसंचालन व मार्गदर्शन सुधाकर इंगळे महाराज (राष्ट्रीय अध्यक्ष) यांनी केले असून यासाठी बंडोपंत कुलकर्णी (जिल्हा अध्यक्ष), किसन कापसे ( प्रदेश उपाध्यक्ष), सचिन गायकवाड (उपाध्यक्ष), तानाजी बेलेराव (संघटक), कुमार गायकवाड, इ. पदाधिकारी यांनी परिश्रम घेतले .
