मुंबई इंडियन्सचे मुख्य प्रशिक्षक मार्क बाउचर यांनी अलीकडेच रोहित शर्माकडून कर्णधारपद का काढून घेतले यावर वक्तव्य केले आहे. आयपीएल २०२४ अवघ्या काही दिवसांमध्येच आपल्या भेटीला येणार आहे. या स्पर्धेचा उत्साह चाहत्यांमध्ये कायमच शिगेला पोहोचलेला असतो.
या टूर्नामेंट आणि मिनी लिलावापूर्वी, ५ वेळा चॅम्पियन ठरलेली फ्रँचायझी मुंबई इंडियन्सने रोहित शर्माऐहार्दिक पांड्याऐवजी हार्दिक पांड्याला कर्णधार म्हणून नियुक्त करण्याची घोषणा करताना चाहत्यांना आश्चर्यचकित केले. फ्रँचायझीच्या या निर्णयामुळे चाहते प्रचंड संतापले आणि त्यांना जाणून घ्यायचे होते की त्यांनी असे का केले? मुंबईचे मुख्य प्रशिक्षक मार्क बाउचर यांनी या प्रश्नाचे उत्तर दिले असून रोहित शर्माकडून कर्णधारपद काढून हार्दिकला नवा कर्णधार का बनवण्यात आले हे स्पष्ट केले आहे.
रोहित शर्माला कर्णधारपदावरून का काढण्यात आले?
स्मॅश स्पोर्ट्स पॉडकास्टवर बोलताना मार्क बाउचर म्हणाला की, ‘माझ्या मते हा क्रिकेट खेळाचा विचार करून घेतलेला निर्णय आहे. हार्दिकला खेळाडू म्हणून संघात परत आणण्यासाठी आम्ही विंडो पिरियड पाहिला. मुंबईसाठी हा बदलाचा काळ आहे. बहुतेक भारतीय चाहते हे समजून घेत नाहीयत आणि ते खूप भावूक होतात. पण या सगळ्यापासून भावनांना दूर ठेवावे लागते. हा निर्णय फक्त संघाचा विचार करुन घेतला होता. यामुळे रोहित फलंदाजीमध्ये सर्वोत्तम कामगिरी करताना आपल्याला पाहायला मिळेल. तो क्रीजवर जाऊन त्याच्या फलंदाजीचा आनंद घेईल आणि धावा करेल.’
हार्दिक पांड्याकडे उत्कृष्ट कर्णधार कौशल्य
मार्क बाउचरनेही हार्दिक पांड्याच्या कर्णधार कौशल्याचे कौतुक केले. तो म्हणाला की, ‘तो मुंबई इंडियन्सचा आहे. तो दुसऱ्या फ्रँचायझीकडे गेला जिथे त्याने पहिल्या वर्षीच विजेतेपद जिंकले आणि दुसऱ्या वर्षी उपविजेते ठरले. यावरून त्याच्याकडे अप्रतिम कर्णधार कौशल्य असल्याचे दिसून येते.’
IPL 2023 पर्यंत हार्दिक पांड्या गुजरात टायटन्सकडून खेळताना दिसला होता. तर आता आयपीएल २०२४ च्या पहिल्या ट्रेडिंग विंडोमध्ये, पांड्याला मुंबई संघाने परत बोलावले आणि त्याच्याकडे संघाचे नेतृत्व करण्याची महत्त्वपूर्ण जबाबदारी देण्यात आली आहे.
