गोधडी विणण्यासाठी १० हजारहून अधिक तास
एकूण १० हजारहून अधिक तास यासाठी लागले आहेत. हजारहून अधिक तुकडे वापरुन ५ लाखांहून अधिक हात शिलाईचे टाके या गोधडीला आहेत.
कापडाचा पुर्नवापर
या गोधडीसाठी वापरलेल्या एकूण कापडापैकी ७० मीटरहून अधिक कापड हे पुनर्वापर केलेलं आहे. नऊ सांकेतिक चिन्ह, दोन ध्वज, संदेश असे या कलाकृती मध्ये पाहायला मिळतात.
मराठी इंजिनिअरकडून उपक्रम
मदरक्विल्ट्स आणि घोंगडी डॉट कॉम हा एक सामाजिक उपक्रम आहे. ज्याच्याद्वारे हातावर पोट असलेल्या ९ राज्यातील ३६० पेक्षा जास्त गोधडी आणि घोंगडीच्या ग्रामीण कलाकारांना १९ देशात बाजारपेठ मिळवून देऊन आपली पारंपरिक कला जपण्याचा प्रयत्न निरज बोराटे या एका मराठी इंजिनिअरकडून केला जात आहे.
आर्ट फेस्टिवल
दादर येथील छत्रपती शिवाजी महाराज पार्क आर्ट फेस्टिवल ही कलाकृती साकारण्यात आली आहे. ही गोधडी पाहण्यासाठी मोठी गर्दी होत आहे.
स्वराज्याची उबदार गोधडी विणणारा जाणता राजा
रयतेसाठी स्वराज्याची उबदार गोधडी विणणारा जाणता राजा छत्रपती शिवाजी महाराजांच्या चरणी आम्ही नतमस्तक होत आहो असं नीरज बोराटे यांनी याबाबत बोलताना सांगितलं.
गोधडीचा व्यवसाय
२०१४ मध्ये इंजिनिअरिंगच शिक्षण पूर्ण झाल्यावर २०१५ रोजी नीरज बोराटे यांनी दोन करागिरांसोबत गोधडीचा व्यवसाय सुरू केला. सुरुवातीला ५ ते ६ वर्ष विरोध झाला.
साडे तिनशे कामगारांसह काम सुरू
इंजिनिअरिंगच शिक्षण घेऊन गोधड्यांचा व्यवसाय का? असा प्रश्न अनेकांकडून होत होता. पण काही तरी नवीन करून दाखवण्याची वेळ होती. वेगवेगळ्या राज्यातील कारागिरांचा शोध घेऊन आतापर्यंत साडे तीनशे कारागिरांसह त्यांचं काम सुरू आहे.
