मोहोळ – मोहोळ नगर परिषदेच्या निवडणुकीमध्ये सिद्धी राजू वस्त्रे या निवडून नगराध्यक्षा म्हणून निवडून आल्या आणि त्यांनी नगराध्यक्ष पदाची सूत्रे हातामध्ये घेतली असतानाच त्यांच्या जातीच्या दाखल्यावर आक्षेप घेण्यात आला आहे याबाबत सोमेश क्षीरसागर यांनी जात पडताळणी विभागाकडे तक्रार दाखल केली आहे .
शीतल सुशील क्षीरसागर यांनी मोहोळ नगर परिषदेची नगराध्यक्ष पदाची निवडणूक लढवली होती . यामध्ये त्यांचा पराभव झाला होता . थेट नगराध्यक्ष पदी निवडून आलेल्या सिद्धी राजू वस्त्रे यांची जात ही हिंदू बेडा जंगम नसून त्या फक्त हिंदू जंगम आहेत असे तक्रारदार सोमेश क्षीसागर यांचे मत आहे . याबाबत सिद्धी वस्त्रे यांचे वडील राजू विश्वनाथ वस्त्रे यांचा शाळेचा दाखला जोडण्यात आलेला आहे .राजू विश्वनाथ वस्त्रे यांचा शाळेचा दाखला हा १९६९ सालातील आहे . सिद्धी वस्त्रे यांचा शाळेचा दाखला हा २००३ सालातील आहे . सिद्धी वस्त्रे यांचे वडील राजू विश्वनाथ वस्त्रे यांचा १० १०. १९७८ रोजीचा विनाक्रमांकचा जातीचा दाखला जोडण्यात आलेला आहे . त्याचे जात प्रमाणपत्र मिळवण्यासाठी कोणतेही कागदपत्रे रेकॉर्ड जोडली नाहीत कोणती जात वडीलाकडून मुलांना प्राप्त होत असते त्या अनुषंगाने सर्वात जुना पुरावा हा त्यांचा सिद्ध करण्यासाठी उपयोग होणे आवश्यक असते . सिद्धी वस्त्रे यांचे आजोबा विश्वनाथ वस्त्रे ही सुशिक्षितच होते . त्यांनी हयात असताना त्यांनी पत्रकारिता केली आहे .त्यांचा जन्म १९२८ सालातील असून त्यांचा शाळा सोडल्याचा दाखला यावर जातीचा उल्लेख हा हिंदू जंगम असा करण्यात आलेला आहे . तर त्यांचा मुलगा राजू वस्त्रे याच्या शाळेच्या दाखल्यावर बेडा जंगम चा उल्लेख आलेला आहे . तोच मुळात बेकायदेशीर आहे . त्याचप्रमाणे त्यांची मुलगी सिद्धी वस्त्रे यांच्या रेकॉर्डवर देखील हिंदू बेडा जंगम अशी नोंद आलेली असून ती ही बेकायदेशीर आहे असे तक्रारदार सोमेश क्षीरसागर यांचे म्हणणे आहे .
सिद्धी राजू वस्त्रे यांचा वडिलांचा किंवा आजोबाचा कोणत्याही प्रकारे जातीचा दाखला वैध झालेला नाही . त्यामुळे बेडा जंगम असा उल्लेख असला तरी ते बेडा जंगम होऊ शकत नाहीत . निवडणूक अधिकाऱ्यांची शिफारस घेऊन जीआर सादर केलेला आहे . त्यामध्ये वंशावळचे प्रमाणपत्र दिलेले आहे .त्यात सिद्धी वस्त्रे यांचे चुलते दीपक गोपीनाथ वस्त्रे यांच्याकडे जात वैधता प्रमाणपत्र असल्याचे नमूद करण्यात आले आहे . परंतु त्यांनी जातीय प्रमाणपत्र ही जोडलेले आहे दीपक वस्त्रे यांचा जातीचा दाखला हा २९./७/२०१३ रोजी सादर केलेला असून २२/८/२०१३ रोजी त्यावर न्याय निर्णय झाल्याचे देखील दिसून येईल. दीपक विश्वनाथ वस्त्रे यांना कोणत्याही दक्षता पथकाशिवाय किंवा कोणत्याही चौकशी शिवाय तोच पुराव्यावर जात वैधता प्रमाणपत्र अदा करण्यात आलेले आहे . त्यामुळे त्यांनी समितीची दिशाभूल करत स्वतःच्या चुलत्याच्या जात वैधता प्रमाणपत्रावरून स्वतःचे वैधता प्रमाणपत्र मागण्यासाठी घाई करण्याची दाट शक्यता आहे असेही सोमेश क्षीरसागर यांनी दिलेल्या तक्रारीत म्हटले आहे . सिद्धी वस्त्रे यांचे चुलते दीपक विश्वनाथ वस्त्रे यांचा मुलगा दिग्विजय आणि किशोर दीपक वस्त्रे यांचेकडे हिंदू जंगम जातीचे जात प्रमाणपत्र व जात वैधता प्रमाणपत्र आहे . त्याचप्रमाणे त्यांच्या कुटुंबातील सदस्यांनी देखील हिंदू जंगम जातीची जात प्रमाणपत्र व जात वैधता प्रमाणपत्र स्वीकारलेली असून त्याचा लाभ देखील घेतलेला आहे . त्यामुळे त्यांना अनुसूचित जातीचा लाभ घेता येणार नाही . सिद्धी राजू वस्त्रे यांचे कुटुंब ही हिंदू जंगम समाजाचे असून ते वीरभद्रेश्वरांचे मानकरी पुजारी आहेत . वीरभद्रेश्वर हे लिंगायत समाजातील उच्चवर्णियांचे कुलदैवत असून त्यांच्या लग्न समारंभामध्ये जंगम स्वामी कडून लग्न लावली जातात . सध्या त्यांचे कुटंब वीरभद्रेश्वर मंदिराच्या लगतच राहतात .त्यामुळे त्यांचे कुटुंबीय बेडा जंगम असू शकत नाही असे त्यांच्या तक्रारीत म्हटले आहे .
बेडा जंगम जातीच्या व्यक्ती अनुसूचित जातीच्या लोकवस्तीमध्ये वास्तव्यास असून अनुसूचित जातीतील लोकांची दहनविधी करणे, मढी ओढणे ही बेडा जंगम जातीची प्रमुख कामे आहेत. परंतु वस्त्रे कुटुंब हे वीरभद्रेश्वरांचे मानकरी आहेत . बेडा जंगम अजिबात नाही फक्त वडिलांच्या शालेय नोंदणीमध्ये मिळणारी असल्याचा गैरफायदा घेऊन बेडा जंगम जातीचे प्रमाणपत्र काढलेले होते . ते वैद्यकरणासाठी सादर करण्यात आलेले आहे
वस्त्रे कुटुंब हे हिंदू जंगम असून त्यांनी हिंदू बेडा जंगम या जातीचा दाखला पूर्णपणे चुकीच्या कागदपत्रावर मिळवलेला आहे . त्यांच्याकडे बेडा जंगम असल्याचा कोणताही कागदपत्रे पुरावा नाही . त्यांची संपूर्ण मदार ही त्यांचे आजोबा विश्वनाथ वस्त्रे यांच्या दाखल्यावर होती .विश्वनाथ वस्त्रे यांचा १९२८ चा शालेय नोंदणीचा दाखला त्यामध्ये स्पष्टपणे हिंदू जंगम अशी नोंद आहे . त्यामुळे सर्वात शेवटचा संविधान पूर्वकाळातील महत्त्वाचा शालेय रेकॉर्ड पडताळले असता वस्त्रे यांची जात ही हिंदु जंगम असल्याचे सिद्ध होते त्यामुळे त्यांचा बेडा जंगम दाखल हा अवैध करणे न्यायाचे व गरजेचे आहे .
त्यामुळे सोमेश क्षीरसागर यांच्या मागणीनुसार नूतननगराध्यक्ष सिद्धी वस्त्रे यांचा दाखला रद्द होणार का ?याची चर्चा सुरू झाली आहे .क्षीरसागर यांच्या या तक्रारीमुळे सिद्धी वस्त्रे यांना पहिल्याच घासाला मीठाचा खडा लागल्याची चर्चा मात्र मोहोळ मध्ये चवीने सुरू झाली आहे .
