माळीनगर – येथील दि सासवड माळी शुगर फॅक्टरी या साखर कारखान्याच्या वतीने सालाबाद प्रमाणे कारखाना गेस्ट हाऊस येथे मराठी पत्रकार दिनाच्या निमित्ताने माळशिरस तालुक्यातील पत्रकारांचा सत्कार, सन्मान,आणि स्नेहभोजन कार्यक्रमाचे आयोजन करण्यात आले होते.
गेल्या पंचवीस वर्षापेक्षाही जास्त काळापासून माळी शुगर दरवर्षी पत्रकार दिन साजरा करत आला आहे.तसेच या कार्यक्रमात माळीनगर पत्रकार संघाच्या नूतन अध्यक्ष पदी रितेश पांढरे व सचिव पदी गोपाळ लावंड यांची निवड झाल्याबद्दल कारखान्याची वतीने केलेला सत्कार करण्यात आला.
याप्रसंगी दि सासवड माळी शुगर फॅक्टरीचे चेअरमन राजेंद्र गिरमे, मॅनेजिंग डायरेक्टर गणेश इनामके ,संचालक राहुल गिरमे, विशाल जाधव, शुगरकेन सोसायटीचे चेअरमन अमोल ताम्हाणे,दि सासवड माळी एज्युकेशन सोसायटीचे सेक्रेटरी अजय गिरमे, महात्मा फुले पतसंस्थेचे व्हाईस चेअरमन महादेवराव एकतपूरे आदी मान्यवर उपस्थित होते.
कारखान्याचे जनसंपर्क अधिकारी अनिल बनकर यांनी कार्यक्रमाची चोख व्यवस्था केली होती. यावेळी माळशिरस तालुक्यातील दैनिक, साप्ताहिक, पाक्षिक, मासिक तसेच विविध वृत्तवाहिनीचे व यू ट्यूब चॅनलचे प्रतिनिधी पत्रकार बंधू भगिनी उपस्थित होते.
यावेळी चेअरमन राजेंद्र गिरमे , मॅनेजिंग डायरेक्ट गणेश इनामके तसेच ॲड अविनाश काले यांनी मनोगत व्यक्त केले. कार्यक्रमाचे सूत्रसंचालन पत्रकार गणेश करडे यांनी केले तर आभार पत्रकार निनाद पाटील यांनी मानले.
