तभा फ्लॅश न्यूज/माहूर : बस स्थानकासमोरील राधिका लॉज मध्ये आलेल्या एका ग्राहकाला बाजूच्या दुकानदाराने माझ्या दुकानासमोर लावलेली गाडी काढून घ्या,असे म्हणले असता शिवीगाळ करून जबर मारहाण केल्याची विचित्र आणि खळबळजनक घटना घडली असून,लॉज मालकासह ग्राहकावर गुन्हा दाखल झाला आहे.
या घटनेतील फिर्यादी दिलीप जयस्वाल हे बस स्थानका समोरील जयस्वाल कॉम्प्लेक्स येथे बीएसएनएल कंपनीचे सिमकार्ड फ्रेन्चाईजी चालवुन कुटुंबाचे उदर्निवाह भागवितात.त्यांनी माहूर पोलीस ठाण्यात समक्ष हजर होऊन दिलेल्या फिर्यादीप्रमाणे मी माझे ओम मोबाईल मॅजिक दुकान उघडत असतांना माझे दुकानासमोर चार चाकी पार्किंग केलेली दिसली असता मी राधिका लॉज व हॉटेलचे मालक प्रभु मेहता यांना मी माझे दुकान उघडत आहे दुकानासमोर लावलेली चार चाकी गाडी क्र. MH-04-FR-0457 काढुन घ्या,असे सांगितले असता प्रभु मेहता यांचे लॉजवर थांबलेला वैभव भगवान पठाडे राहणार पुसद यांनी त्यांची गाडी काढुन घेतली व मी दुकानात असतांना माझ्याकडे येवुन मला शिवीगाळ करुन धक्काबुकी केली व माझ्या तोंडावर हाताने मारहाण करु लागला असता तेव्हा माझ्या दुकाना शेजारी राहणारे शेख सद्दाम शेख जब्बार वय 33 वर्षे,जावेद खान अजीज खान पठाण वय 50 वर्षे दोघे रा. माहुर यांनी सदर भांडने सोडवा सोडवी केली. नंतर तुला बघुन घेतो असे, बोलुन वैभव भगवान पठाडे हा तेथुन निघुन गेला. भांडणामध्ये दुकानातील साहित्याची तोडफोड त्याने केली आहे.
तसेच मी वारंवार राधिका लॉज व हॉटेलचे मालक प्रभु मेहता यांना माझ्या दुकानासमोर त्यांचे लॉजवर येणारे ग्राहकांचे वाहने पार्किंग करु नका असे सांगितले असता ते याकडे दुर्लक्ष करीत असुन आज रोजी मला त्यांनी माझे ग्राहक इथेच गाड्या लावतील असे म्हणुन शिवीगाळ केली आहे.
राधिका लॉज मध्ये आलेले पॅसेंजर वैभव भगवान पठाडे वय 30 वर्ष व्यवसाय चालक रा.साई विहार कवडीपुर, पुसद ता. पुसद जि. यवतमाळ व राधिका लॉज व हॉटेलचे मालक प्रभु मेहता रा.माहुर या दोघांविरूध्द कायदेशिर कार्यवाही करावी, अशी फिर्याद दिलीप जयस्वाल यांनी दिल्याने माहूर पोलिसांनी गुन्हा दाखल करून पुढील तपास पोलीस निरीक्षक गणेश कराड यांचे मार्गदर्शनाखाली सपोनि संदीप अन्येबोईनवाड आणि पोलीस करत आहेत.
