तभा फ्लॅश न्यूज/माहूर : १ ऑगस्ट ते ७ ऑगस्ट राज्यात विशेष महसूल सप्ताह महसूल विभाग लोकाभिमुख व्हावा व जनतेची जनतेची महसूल विभागाशी निगडित सर्व कामे सुरळीतपणे व्हावी याकरिता एक ऑगस्ट ते सात ऑगस्ट यादरम्यान विशेष महसूल सप्ताह साजरा करण्याचे शासनाचे आदेश असून,या सप्ताहात राबविण्यात येणारे उपक्रमाचा शासन आदेश जारी करण्यात आला आहे. याच अनुषंगाने माहूर तहसील कार्यालयात १ ते ७ ऑगस्ट दरम्यान विशेष महसूल सप्ताहाचे आयोजन करण्यात आले असून, आज शुक्रवार १ ऑगस्ट रोजी महसूल दिनाचे आयोजन करण्यात आले आहे. या महसूल सप्ताहाचा जास्तीत जास्त नागरिकांनी लाभ घ्यावा, असे आवाहन तहसीलदार मुगाजी काकडे यांनी केले आहे.
महसूल विभागाने जिल्हास्तरीय महसूली कामे वेळच्यावेळी पूर्ण करुन त्यानुसार अभिलेख अद्ययावत करणे, वसुलीच्या नोटीसी पाठविणे, मोजणी करणे, अपील प्रकरणांची चौकशी करणे इ. कामे वेळेच्यावेळी व वेळापत्रकानुसार करणाऱ्या अधिकारी/कर्मचाऱ्यांचा व महसूल वसुलीचे उदिष्ट पार करणाऱ्या अधिकारी/कर्मचाऱ्यांचा सत्कार करण्याकरीता तसेच महसूल विभागाने केलेल्या कामकाजाचा आढावा जनतेसमोर ठेवण्याकरीता दरवर्षीप्रमाणे दि.१ ऑगस्ट, २०२५ हा “महसूल दिन” म्हणून राज्यभर साजरा करण्यात यावा. तसेच, यावर्षी महसूल दिनापासून दि. १ ते ७ ऑगस्ट, २०२५ या कालावधीत राज्यभरात ” विशेष महसूल सप्ताह” साजरा करण्यात यावा ,असे शासनाचे आदेश असल्याने माहूरच्या तहसील कार्यालयात महसूल सप्ताहाचे आयोजन करण्यात आले आहे.
१ ऑगस्ट ते ७ ऑगस्टः राज्यात विशेष महसूल सप्ताहामध्ये राबविण्यात येणाऱ्या कार्यक्रमाचे स्वरुप पुढीलप्रमाणे आहे..
१ ऑगस्ट-‘महसूल दिन साजरा करणे व महसूल सप्ताह शुभारंभ” “महसूल संवर्गातील कार्यरत / सेवानिवृत्त अधिकारी/कर्मचारी संवाद उत्कृष्ट अधिकारी / कर्मचारी पुरस्कार। प्रमाणपत्र वितरण समारंभ” वितरण व मान्यवरांच्या हस्ते लाभार्थ्यांना विविध प्रमाणपत्र वितरण समारंभ,२-ऑगस्ट ‘शासकीय जागेवर सन २०११ पूर्वीपासून रहिवासी प्रयोजनार्थ अतिक्रमण असलेल्या कुटुंबांपैकी अतिक्रमण नियमानुकूल करण्यास पात्र असलेल्या कुटूंबांना सदर अतिक्रमित जागांचे पट्टे वाटप करणेबाबत कार्यक्रम”,
३ ऑगस्ट -‘पाणंद/शिवरस्त्यांची मोजणी करुन त्यांच्या दुतर्फा झाडे लावणे, ४ ऑगस्ट-छत्रपती शिवाजी महाराज महाराजस्व अभियान प्रत्येक मंडळनिहाय राबविणे ५ ऑगस्ट-“विशेष सहाय्य योजनेतील डीबीटी न झालेल्या लाभार्थ्यांना घरभेटी करून डीबीटी करुन अनुदानाचे वाटप करणे” ६ ऑगस्ट-‘शासकीय जमिनींवरील अतिक्रमणे निष्कासित करणे व त्या अतिक्रमणमुक्त करणे तसेच शर्तभंग झालेल्या जमिनींबाबत शासन धोरणानुसार (नियमानुकूल करणे/सरकारजमा करणे) निर्णय घेणे,७ ऑगस्ट-
“एम सॅंड” धोरणाची अंमलबजावणी करणे व नवीन मानक कार्यप्रणालीप्रमाणे (एसओपी प्रमाणे) धोरण पूर्णत्वास नेणे आणि महसूल
सप्ताह सांगता समारंभ
१ ते ७ ऑगस्ट दरम्यान माहूर तालुक्यात महसूल सप्ताहाचे आयोजन करण्यात आले असून, नागरिकांनी याचा लाभ घ्यावा, असे आवाहन तहसीलदार मुगाजी काकडे यांनी केले आहे.
