नांदेड – नांदेड महानगरपालिका सार्वत्रिक निवडणुका २०२५ च्या निवडणुका कार्यक्रम लवकरच जाहीर होणार असल्याने भारतीय जनता पार्टीच्या वतीने सिडकोतील प्रभाग क्रमांक २० मधून अनुसूचित जाती महिला प्रवर्गातून पाच उमेदवार इच्छुक असल्याने पक्षश्रेष्ठी कुणाच्या हातावर कमळ देणार तर कोणाच्या हातावर तुरी देणार याकडे सर्वांचे लक्ष लागले आहे.
आगामी चालू असलेल्या नांदेड वाघाळा शहर महापालिका सार्वत्रिक निवडणुकांचे वारे जोरात वाहत असल्याने इच्छुक उमेदवारांमध्ये चुरस निर्माण झाली आहे. भारतीय जनता पार्टीच्या वतीने सिडको प्रभाग क्रमांक २० मधन अनुसूचित जाती महिला प्रवर्गातून पाच उमेदवार इच्छुक असल्याने योग्य त्या उमेदवारास पसंती देणे पक्षश्रेष्ठीला तारेवरची कसरत करावी लागणार आहे. इच्छुक उमेदवारमध्ये माजी नगरसेविका तथा शिक्षिका व सामाजिक कार्यकर्त्या बेबीताई जनार्धन गुपिले या चालू नगरसेविका असल्याने ते उमेदवारीची दावेदार असल्याचे बोलले जाते. तसेच सिद्धार्थ धूतराज जिल्हा उपाध्यक्ष नांदेड महानगर भाजपा हे गेल्या वीस वर्षापासून भाजपमध्ये एकनिष्ठतेने कार्य करत आहेत.
भाजपा अनुसूचित जाती मोर्चाचे जिल्हा अध्यक्ष म्हणून गेली दहा वर्षे त्यांनी काम बघितले आहे. भाजप जिल्हा सचिव तीन वर्ष, भाजप सिडको मंडळ प्रभारी तीन वर्ष, पदवीधर नोंदणी संयोजक सिडको मंडळ या सर्व पदावरून गेली २० वर्ष पासून कार्यरत आहेत. यांच्या सुविधे पत्नी सौ. छाया सिद्धार्थ धूतराज या कमळ या निशाणीवर निवडणूक लढवण्याच्या प्रतीक्षेत आहेत. त्याचप्रमाणे सिडको हडको परिसरातील सामाजिक कार्यकर्ते व मागची अपक्ष म्हणून निवडणूक लढवलेले राजू लांडगे यांच्या पत्नी बचत गटाच्या माध्यमातून महिलांचे मोठे संघटन व सर्वत्र परिचित असलेल्या सौ. निरंजना राजू लांडगे ह्या देखील भारतीय जनता पार्टी कडून निवडणूक लढवण्यास इच्छुक आहेत. तसेच या प्रभागातील सामाजिक चळवळीत सतत काम करणारे प्रा. शशिकांत हटकर यांच्या पत्नी उच्च शिक्षित असलेल्या सौ. मनीषा शशिकांत हटकर ह्या देखील या प्रभागातून भाजपकडून निवडूनुक लढवण्यास इच्छुक आहेत.
तर त्याचप्रमाणे बऱ्याच काळापासून राष्ट्रीय सेवा संघाच्या माध्यमातून गेली दहा वर्षापासून कार्यरत असलेले व सामाजिक, धार्मिक, राजकीय कार्यात हिरीरीने भाग घेणारे सध्या अनुसूचित जाती मोर्चाचे जिल्हाध्यक्ष भारतीय जनता पार्टी या पदावर कार्यरत असलेले सामाजिक कार्यकर्ते नवनाथ पांडुरंग कांबळे यांच्या आई निर्मलाबाई पांडुरंग कांबळे हे देखील भारतीय जनता पार्टी अनुसूचित जाती राखीव महिला प्रभागातून निवडणूक लढवण्यास तयार आहेत. तेव्हा या प्रभागातून उमेदवार निवडण्याचे मोठे आव्हान पक्षापुढे असणार आहे. तेव्हा भारतीय जनता पार्टी कोणाच्या हातात कमळ देईल तर कोणाच्या हातात तुरी देईल ही वेळ आल्यावरच समजेल सध्या तरी वरील सर्वच इच्छुक उमेदवार आपापल्या परीने मतदारांसी भेटीगाठीच्या कामाला लागले असल्याचे दिसून येत आहे.
