टेंभुर्णी – ज्यांना करिअर करायचे आहे त्यांना औषधनिर्माण क्षेत्रामध्ये खूप मोठी संधी आहे .फार्मासिस्टच्या हातून समाजाची सेवा आपोआप घडत असते ,फार्मसी क्षेत्रामध्ये विद्यार्थ्यांनी सेवाभावी वृत्तीने काम करणे गरजेचे आहे. दर्जेदार औषधे उत्पादन करण्यासाठी कटिबद्ध राहावे. कोणत्याही आर्थिक आमिषाला बळी न पडता समाजाची सेवा करावी असे प्रतिपादन टेंभुर्णी पोलीस ठाण्याचे पोलीस निरीक्षक नारायण पवार यांनी केले आहे.
शनिवारी दिनांक 29 नोव्हेंबर रोजी एस. व्ही. एस. कॉलेज ऑफ फार्मास्युटिकल एज्युकेशन अँड रिसर्च, टेंभुर्णी येथे नवीन प्रवेशित विद्यार्थ्यांचा स्वागत समारंभ मोठ्या उत्साहात साजरा करण्यात आला. यावेळी आयोजित कार्यक्रमात ते बोलत होते .
यावेळी संस्थेचे अध्यक्ष राजेंद्र ठोंबरे , प्राचार्य कृष्णात ढेकळे, डॉ. नेहा काजळे ,महेश ठोंबरे,कृष्णराज नवले , धनंजय मोरे, सदाशिव पवार, हरिश्चंद्र गाडेकर, सुरज देशमुख यांच्यासह डी .फार्मसी , बी. फार्मसी मधील विद्यार्थी मोठ्या संख्येने उपस्थित होते.
यावेळी डी. फार्मसी व बी. फार्मसी मधील नवीन विद्यार्थ्यांसाठी डान्स, सिंगिंग, फॅशन शो, गेम्स अशा विविध स्पर्धांचे आयोजन करण्यात आले होते . यामधून आर्यन भाजीभाकरे, शंभुराजे पाटील व समर्थ यादव यांना मिस्टर फ्रेशर म्हणून गौरवण्यात आले तसेच मुलींमधून गौरी हुलगे,आर्या गायकवाड, वर्षा रणसिंग ,मयुरी घाडगे यांना मिस फ्रेशर या किताबाने गौरवण्यात आले.
वरिष्ठ विद्यार्थ्यांनी फ्रेशर्सचे स्वागत करत मैत्री आणि सहकार्याचा संदेश दिला. प्रस्ताविक प्राचार्य डॉ. नेहा काजळे यांनी केले तर धनंजय मोरे यांनी मनोगत व्यक्त केले.
सूत्रसंचालन प्रा. शितल हजारे , सोनल फुले यांनी केले तर प्रा. रेणुका देशपांडे यांनी आभार मानले
