सोलापूर – मनसे प्रमुख राज ठाकरे आणि शिवसेना पक्षप्रमुख उद्धव ठाकरे एकत्र आल्याची घोषणा बुधवारी करण्यात आली. दोन भाऊ पुन्हा एकत्र आल्याने सोलापुरात या ऐतिहासिक घडामोडीचे स्वागत करत सोन्या मारुती गणपती मंदिरात येथे गणपतीची आरती करून आनंदोत्सव साजरा करण्यात आला. मनसैनिक व शिवसैनिकांनी फटाके फोडत, घोषणाबाजी करत आपला आनंद व्यक्त केला.
दोन भाऊ एकत्र येणे म्हणजे मराठी माणसाच्या ऐक्याची वज्रमूठ असल्याची भावना यावेळी व्यक्त करण्यात आली. हा एकत्रितपणा महाराष्ट्राच्या राजकारणाला नवी दिशा देईल, असा विश्वास सर्वांनी व्यक्त केला आहे .
यावेळी मनसे नेते दिलीप धोत्रे,शिवसेना उपनेते अस्मिता गायकवाड, मनसे जिल्हाप्रमुख विनायक महिंद्रकर, शिवसेना जिल्हाप्रमुख अजय दासरी, शहर प्रमुख महेश धाराशिवकर, उपजिल्हाप्रमुख प्रताप चव्हाण, प्रशांत इंगळे, शहर अध्यक्ष जैनोद्दीन शेख, अमर कुलकर्णी, अभिषेक रंपुरे, संतोष घोडके, जितेंद्र टेंभुर्णिकर, सुभाष माने, विजय पुकाळे, पवन देसाई, बाळासाहेब गायकवाड, आबा सावंत, सुरेश जगताप, गणेश पाटील, गोविंद बंदपट्टे, बंटी बेलमकर, वैभव रंपुरे, अनिकेत उपासे, समर्थ माळगे, अभी इरकल, सैपन जामखंडी आदी उपस्थित होते.
