तेलंगणाच्या हैदराबाद लोकसभा मतदारसंघातील भाजप उमेदवार माधवी लता यांनी आज, सोमवारी एका मतदान केंद्रावर जाऊन महिला मतदारांचे ओळखपत्र तपासले. तसेच महिलांना बुर्खा काढायला लावला. यासंदर्भातील व्हिडीओ सोशल मिडीयावर व्हायरल होत असून त्यावरून वाद निर्माण झालाय.
लोकसभा निवडणुकीतील चौथ्या टप्प्यातील मतदान आज सुरू आहे. निवडणुकीदरम्यान भाजप उमेदवार माधवी लता मतदान केंद्रावर बसलेल्या महिलांचे मतदार ओळखपत्र तपासले. तसेच चेहरा तपासण्यासाठी महिलांना बुर्खा काढायला सांगितला. या घटनेचा व्हिडीओ व्हायरल झालाय. माधवी लता यांचा व्हिडीओ समोर आल्यानंतर या घटनेबाबत त्यांचे स्पष्टीकरणही आले आहे. सांगितले आहे की, मी एक उमेदवार आहे आणि कायद्यानुसार मला माझ्या भागातील मतदारांची मतदार ओळखपत्रे पाहण्याचा आणि फेस मास्कशिवाय पाहण्याचा अधिकार आहे. मी पुरुष नसून स्त्री आहे. मी त्यांना अत्यंत नम्रपणे विनंती केली. मी त्यांना विचारले की मी तुम्हाला ओळखपत्रासह देखील पाहू शकतो का? जर एखाद्याला या घटनेचा मोठा मुद्दा बनवायचा असेल तर त्याचा स्पष्ट अर्थ असा आहे की ते घाबरले आहेत. यापूर्वी माधवी लता यांनी हैदराबाद लोकसभा मतदारसंघातील आझमपूर येथील मतदान केंद्र क्रमांक 122 ला भेट दिली होती. येथे त्यांनी मतदार यादीत अनियमितता झाल्याचा आरोप करत अनेक मतदारांची नावे काढण्यात आल्याचे सांगितले. पोलीस कर्मचारी सक्रिय नसल्याचा आरोप त्यांनी केला होता. प्रशासन कशाचीही चौकशी करत नाहीत. येथे ज्येष्ठ नागरिक मतदार येत आहेत, मात्र त्यांची नावे यादीतून वगळण्यात आली आहेत, असा आरोप त्यांनी केला होता.
