सोलापूर – गुन्हे शाखा सोलापूर शहर यांच्यावतीने तृतीयपंथीय आयुब सय्यदच्या खुना च्या गुन्ह्यातील ०३ आरोपीस ०६ तासात जेरबंद करण्यात आले आहे. सोलापूर शहर पोलिसांनी ही उल्लेखनीय कामगिरी केली असल्याचे पोलीस आयुक्त एम राजकुमार यांनी पत्रकार परिषदेत सांगितले.
दिनांक २६/१२/२०२५ रोजी रात्री १०:३० वा. ते दिनांक २७/१२/२०२५ रोजी दुपारी ०१:३० वा. अयुब हुसेन सय्यद तृतीयपंथी यांचा घर नं. २२६, पहिला मजला पेंढारी मस्जिदच्या पाठीमागे मुर्गी नाला उत्तर सदर बझार लष्कर या ठिकाणी अज्ञात इसमांनी कोणत्यातरी अज्ञात कारणाने खून केला होता. सदर बझार पोलीस ठाणे येथे गु.र.नं. १०५४/२०२५ भारतीय न्याय संहिता कलम १०३ (१) प्रमाणे दि. २७/१२/२०२५ रोजी गुन्हा दाखल आहे. त्याअनुषंगाने गुन्हे शाखेचे पोलीस अधिकारी व अंमलदार यांनी गुन्ह्याचे घटनास्थळी भेट दिली. पोलीस आयुक्त सोलापूर शहर, पोलीस उप-आयुक्त (परिमंडळ), पोलीस उप-आयुक्त गुन्हे/वि.शा. व सहायक पोलीस आयुक्त गुन्हे यांनी खूनाचा गुन्हा उघडकीस आणण्या बाबत योग्य त्या सूचना दिलेल्या होत्या.
गुन्हे शाखेकडील स.पो.नि. शंकर धायगुडे, स.पो.नि. विजय पाटील, स.पो.नि. शैलेश खेडकर, स.पो.नि. दत्तात्रय काळे, पो. उपनि, मुकेश गायकवाड, ग्रेड पो. उपनि, शामकांत जाधव व त्यांचे पोलीस पथक तसेच सदर बझार पो.स्टे. कडील सपोनि सागर काटे व त्यांचे पोलीस पथक यांनी तांत्रिक माहितीचे आधारे व सी.सी.टी.व्ही. फुटेजची तपासणी करून नमूद गुन्हा हा ०३ इसमांनी मिळून केल्याची व सदरचे आरोपी हे लातूर जिल्ह्याचे दिशेने गेल्याचे खात्रीशीर दिसून आले.
दिनांक २७ डिसेंबर २०२५ रोजी गुन्हे शाखेचे व सदर बझार पो. स्टे कडील तपास पथके तात्काळ लातूरकडे रवाना होवून नमूद आरोपींची ओळख पटविली. लातूर येथील विवेकानंद चौक पोलीस स्टेशन येथील पोलीसांची मदत घेवून आरोपी यशराज उत्तम कांबळे वय-२१ वर्षे व्यवसाय शिक्षण रा.बौध्द विहार जवळ, इंदिरा नगर लातूर आफताब इसाक शेख वय-२४ वर्षे व्यवसाय मजुरी, रा. कुंभारवाडी ता. रेणापूर जि. लातूर, वैभव गुरूनाथ पनगुले व्यवसाय शिक्षण रा.कुंभारवाडी ता. रेणापूर जि. लातूर यांना गोपनिय माहितीचे आधारे विवेकानंद चौक येथील पाण्याचे टाकी जवळील परिसर, लातूर येथून ताब्यात घेतले.
अधिक चौकशीमध्ये यातील आरोपी क्रमांक आफताब इसाक शेख व मयत अयुब हुसेन सय्यद हे यापूर्वीपासूनच ओळखीचे असून आफताब शेख हा मयत अयुब सय्यद यास भेटण्याकरीता वारंवार सोलापूर येथे येत होता. आफताब शेख यास अयुब याचेकडे भरपूर प्रमाणात सोन्याचे दागिने व रोख रक्कम असल्याची माहिती होती. तिन्ही आरोपी मयत अयुब सय्यद यास भेटण्याचा बहाणा करून मयताकडील सोन्याचे दागिने व रोख रक्कम चोरण्याचे उद्देशाने आरोपी यशराज कांबळे याचेकडील युनिकॉर्न मोटार सायकल वरून सोलापूर येथे आले होते. तिन्ही आरोपींनी मिळून अयुबचा त्याचे राहते घरी खून करून घरातील सोन्या सारखे दिसणारे दागिने, रोख रक्कम व मोबाईल फोन चोरी केल्याची कबुली दिली. तसेच खून करून जातेवेळी त्या तिघांनी मयताची यामाहा स्कूटी ही मोटार सायकल चोरून घेवून गेले होते.
हा गंभीर गुन्हा गुन्हे शाखेकडील व सदर बझार पो.स्टे. कडील पोलीस अधिकारी व अंमलदार यांनी कौशल्यपूर्ण तांत्रिक तपासाच्या आधारे ०६ तासाच्या आत उघडकीस आणला. पुढील तपास पो.नि. भालचंद्र ढवळे सदर बझार पो.स्टे. हे करीत असून आरोपींना गुन्ह्याचे तपासकामी अटक करून त्यांना मा. न्यायालयानी दिनांक ३१ डिसेंबर २०२५ रोजी पर्यंत पोलीस कोठडी देण्यात आली आहे.
सदरची कामगिरी एम. राज कुमार, पोलीस आयुक्त सोलापूर शहर, विजय कबाडे पोलीस उप-आयुक्त (परिमंडळ), डॉ. अश्विनी पाटील पोलीस उप-आयुक्त (गुन्हे/वि.शा.), राजन माने, सहा. पोलीस आयुक्त गुन्हे, दिलीप पवार, सहा. पोलीस आयुक्त विभाग-२, यांचे मार्गदर्शनाखाली अरविंद माने वरिष्ठ पोलीस निरीक्षक गुन्हे शाखा, स.पो.नि.शंकर धायगुडे, स.पो.नि.विजय पाटील, स.पो.नि. शैलेश खेडकर, स.पो.नि. दत्तात्रय काळे, पो. उपनि. मुकेश गायकवाड, ग्रेड पो. उपनि. शामकांत जाधव व त्यांचे पथकातील पोलीस अंमलदार नंदराम गायकवाड, बापू साठे, अंकुश भोसले, संदिप जावळे, जावेद जमादार, अनिल जाधव, विनोद रजपूत, महेश शिंदे, वाजीद पटेल, योगेश बर्डे, शैलेश बुगड, काशिनाथ वाघे, राजकुमार वाघमारे, आबाजी सावळे, संजय साळुंखे, कुमार शेळके, अभिजित धायगुडे, राजकुमार पवार, इम्रान जमादार, धिरज सातपुते, अजिंक्य माने, सैपन सय्यद, सुभाष मुंडे, वसिम शेख, राजु भुदगल, महेश पाटील, महेश रोकडे, राजेश मोरे, सिध्दाराम देशमुख, अजय गुंड, चालक सतिश काटे, बाळासाहेब काळे तसेच सायबर पोलीस ठाणे कडील प्रकाश गायकवाड व मच्छिद्र राठोड तसेच सदर बझार पो.स्टे. कडील व.पो.नि. नामदेव बंडगर, पोनि श्री ढवळे, स.पो.नि. सागर काटे व पोलीस पथक यांनी केली आहे.
