दानशूर कर्णाला आजही जगभरातील सर्वात महान परोपकारी म्हणून ओळखले जाते. सकाळच्या आंघोळीनंतर कर्णाकडे जे काही मागितले जायचे तो त्याला ते द्यायचा असं म्हटलं जातं. आज आम्ही तुम्हाला कलयुगातील परोपकारी व्यक्तीबद्दल सांगणार आहोत ज्याने जवळपास आपली सर्वच संपत्ती दान केली. व्यावसायिक, उद्योगपती अनेकदा देणगी (दान) देतात हे आपण ऐकलं असेल. काही समाज कारणांसाठी दान करतात तर काही नैसर्गिक आपदांसाठी दान करतात, परंतु आज आम्ही तुम्हाला ज्या व्यावसायिकाविषयी सांगणार आहोत त्याने आपली संपूर्ण संपत्ती आपल्या कर्मचाऱ्यांसाठी दान केली.
कलियुगातील या परोपकारी कर्णाने आपली सर्व संपत्ती दान केली. श्रीराम ग्रुपचे संस्थापक आर त्यागराजन यांनी आपली सर्व संपत्ती कर्मचाऱ्यांना दान केली. श्रीराम ग्रुपचे संस्थापक आर त्यागराजन यांनी त्यांचे छोटे घर आणि कार वगळता सर्व संपत्ती आपल्या कर्मचाऱ्यांमध्ये वाटून दिली.
कोण आहेत आर त्यागराजन
श्रीराम ग्रुपचे संस्थापक आर त्यागराजन यांचा जन्म तामिळनाडूमधील शेतकरी कुटुंबात झाला. गणित विषयात पदवी घेतल्यानंतर त्यांनी कोलकाता येथील भारतीय सांख्यिकी संस्थेतून पदव्युत्तर पदवी प्राप्त केली. १९६१ मध्ये ते न्यू इंडिया इन्शुरन्स कंपनीत रुजू झाले आणि सुमारे २- वर्षे काम केल्यानंतर त्यांनी स्वतःचे काम सुरू करण्याचा निर्धार केला. १९७४ मध्ये त्यांनी दोन मित्रांसह श्रीराम ग्रुपचा पाया घातला. कंपनीने चिट फंड व्यवसाय म्हणून सुरुवात केली, परंतु नंतर कर्ज आणि विम्याच्या दिशेने व्यवसाय वाढवण्यास सुरुवात केली.
दान केली सर्व संपत्ती
यावर्षी ब्लूमबर्गच्या दिलेल्या एका मुलाखतीत त्यागराजन यांनी सांगितले की त्यांनी त्यांची ७५० दशलक्ष डॉलर म्हणजेच सुमारे सहा हजार कोटी रुपयांची संपत्ती दान केली. त्यांनी म्हटले की एक छोटेसे घर आणि एक कार सोडून त्यांनी आपली सर्व संपत्ती कर्मचाऱ्यांना दान केली. ते म्हणाले की मी माझा संपूर्ण हिस्सा कर्मचाऱ्यांच्या गटाला दिला. अडचणींचा सामना करणाऱ्यांच्या आयुष्यात मला आनंद आणायचामाझा उद्देश आहे. त्यांनी म्हटले की मला पैशांची गरज नाही. मला आधीही पैशांची गरज नव्हती आणि आत्ताही गरज नाही. त्यागराजन आपला बहुतेक वेळ संगीत ऐकण्यात आणि परदेशी व्यावसायिक मासिके वाचण्यात घालवतात.
लाखोंहून अधिकांना रोजगार
भारतातील प्रमुख नॉन-बँकिंग फायनान्स (NBFC) कंपन्यांपैकी एक श्रीराम ग्रुप भारतातील गरिबांना वाहन कर्ज प्रदान करते आणि गरजूंना कर्ज देण्याव्यतिरिक्त विमा देखील प्रदान करतात. कंपनीने आतापर्यंत १,०८,००० लोकांना रोजगार दिला आहे. त्यागराजन यांनी आपल्या मुलाखतीदरम्यान पुढे सांगितले की मी माझ्या कर्मचाऱ्यांचा पगार बाजारापेक्षा कमी ठेवला आहे. आम्ही त्यांना स्वतःला आनंदी ठेवण्यासाठी जेवढे देता येईल तेवढे केले. या व्यवस्थेमुळे आमचे कर्मचारी खूश असल्याचे त्यांनी सांगितले.
