प्रत्येक गरजू नागरिकाचा जगण्याचा स्तर उंचावण्यासाठी केंद्र आणि राज्य शासनाने विविध योजना हाती घेतल्या आहेत. या योजना देशाच्या कानाकोपऱ्यात पोहोचविण्यासाठी विकसितभारतसंकल्पयात्रा ची सुरुवात झाली व हा संकल्प पूर्ण करण्यासाठी शासन कटिबद्ध आहे, असे प्रधानमंत्री नरेंद्र मोदी यांनी लाभार्थ्यांना ई-संवाद कार्यक्रमात सांगितले.
विकसितभारतसंकल्पयात्रा चे आयोजन देशभरात विविध ठिकाणी १५ नोव्हेंबर २०२३ ते २६ जानेवारी २०२४ या कालावधीत करण्यात आले आहे. या अभियानाच्या माध्यमातून विविध योजना लाभार्थ्यांपर्यंत पोहचविण्यात महाराष्ट्र एक नंबर येण्यासाठी प्रयत्न करा, असे निर्देश मुख्यमंत्री एकनाथ शिंदे यांनी यावेळी दिले.
बृहन्मुंबई महानगरपालिकेच्या ‘सी’ विभाग येथे आयोजित #विकसितभारतसंकल्पयात्रा या कार्यक्रमात केंद्रीय मंत्री नारायण राणे, पालकमंत्री दीपक केसरकर, आमदार राम कदम, महानगरपालिका आयुक्त डॉ. इकबाल सिंह चहल आदी उपस्थित होते.
