भोकरदन : रुग्णालयाला जागा अतिशय कमी आहे.रुग्णालयात येणाऱ्या रुग्णांना अनेक अडचणींना तोंड द्यावे लागते त्या सर्व अडचणीवर मुद्देसूद निवेदन देण्यात आले आणि त्या प्रत्येक मुद्द्यावर अधीक्षक मॅडम श्रीमती काथार यांच्यासोबत समाधानकारक मीटिंग मध्ये चर्चा झाली आणि ग्रामीण रुग्णालयाच्या कामकाजा मध्ये आमुलाग्र बदल करण्याचे सर्वांमध्ये ठरले त्यासाठी आम आदमी पार्टी व भीम आर्मीचे कार्यकर्ते सहकार्य करतील या पद्धतीने साधक बाधक चर्चा करून खालील मुद्द्यावर सर्वांचे सहमत झाले शासकीय नियमाप्रमाणे सर्व सोयी उपलब्ध करून देण्याबाबत. सर्वांचे एकमत झाले उपजिल्हा रुग्णालयाचे काम त्वरुत पुर्ण होण्यासाठी पाठपुरावा करण्याचे ठरले.चर्चा करण्यात आलेले मुद्दे
पुढील प्रमाणे
शासनाचा रुग्णालयावर करोडो रुपये खर्च होत असूनही खाजगी रुग्णालयाकडे रुग्णांना जावे लागते. जनतेला हे रुग्णालय आपले वाटावे यासाठी सर्व सोई उपलब्ध करून देण्यात याव्यात.
1) डॉक्टर सर्व अधिकारी व कर्मचारी नियमाप्रमाणे पूर्ण वेळ रुग्णालयात हजर राहतील याची काळजी घेण्यात यावी. उशिरा येणारे कर्मचारी, पळून जाणारे कर्मचारी, यांच्यावर नियंत्रण ठेवण्यात यावे.
2) रुग्णालयाची स्वच्छता व साफसफाई नियमितपणे करण्यात यावी रुग्णांना पिण्याचे पाणी स्वच्छ निर्जंतुकीकरण केलेले पाणी मुबलक प्रमाणात उपलब्ध असावे.
3) सर्व उपकरणे जसे की, एक्स-रे मशीन, सोनोग्राफी मशीन, सिटीस्कॅन मशीन व इतर तपासण्यासाठी उपलब्ध असणारी उपकरणे अद्यावत ठेवून त्यासाठी लागणारे कर्मचारी ऑपरेटर उपलब्ध असावेत.
रुग्णासोबत सर्व कर्मचाऱ्यांनी सौजन्याने वागण्याबाबत सूचना देण्यात याव्यात.
4) शक्यतो सर्व तपासण्या रुग्णालयातच करण्यात याव्यात बाहेरून खाजगी व्यक्तीकडून तपासण्या करण्याची गरज पडू नये.
5) रुग्णांना रुग्णवाहिका देतांना कोणत्याही प्रकारे अडवणूक करण्यात येणार नाही याची काळजी घेण्यात यावी. कोणत्याही रुग्णाकडून कोणत्याही परिस्थितीत दिलेल्या सेवेबाबत पैसे घेण्यात येऊ नयेत.
6) कधी कधी बाहेरून तपासण्या करून आणण्याचे सांगण्यात येते तसेच औषध गोळ्या बाहेरून घेण्यास सांगण्यात येतात तसे होऊ नये. याबाबत काळजी घेण्यात यावी.
7) प्रसुतीसाठी आलेल्या महिलेला सर्व सोयी वेळेवर पुरवण्यात याव्यात खाण्याच्या डब्यासह सोबत आलेल्या व्यक्तीला सुद्धा नियमाप्रमाणे सुविधा देण्यात याव्यात. खाद्य पदार्थ दर्जेदार असावेत.
गरीब दुबळ्या जनतेचा इलाज अतिशय गांभीर्याने काळजीपूर्वक करण्यात यावा.
यावेळी बोरशे गुरुजी ,जनार्दन सोळंके ,महजादखान,काकासाहेब साबळे पा. फारुकभाई,बाबरभाई,अनिल पगारे,जमीलभाई,सिद्धार्थ इंगळे, साबिर शेख ,शेख समीर, मुजावर खान ,शेख नसीम ,रवी सुरडकर यांच्यासह नागरिक व रुग्णालयातील कर्मचारी हजर होते.
