गल्या पद आणि पगाराची नोकरी शोधत असणाऱ्या तरुणांसाठी महत्वाची अपडेट आहे. राष्ट्रीय सहकारी विकास महामंडळात विविध पदांची भरती केली जाणार आहे. याअंतर्गत देशातील महत्वाच्या शहरांमध्ये नोकरीच्या संधी उपलब्ध होणार आहेत. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे.
नॅशनल कोऑपरेटिव्ह डेव्हलपमेंट कॉर्पोरेशनमध्ये यंग प्रोफेशनलच्या एकूण ५१ पदांची भरती केली जाणार आहे. याअंतर्गत महाराष्ट्रात एकूण ४ रिक्त जागा भरल्या जाणार आहेत. ३ वर्षांच्या कालावधीसाठी ही भरती केली जाणार आहे. यासाठी ३२ वर्षे इतकी वयोमर्यादा आहे.
यंग प्रोफेशनल पदासाठी अर्ज करणाऱ्या उमेदवारांनी मान्यताप्राप्त शिक्षणसंस्थेतून एमबीए पूर्ण करणे आवश्यक आहे. उमेदवारांकडे मार्केटिंग इन बॅंक/फायनान्शियल्समध्ये ३ वर्षे पोस्ट क्वालिफिकेशनचा अनुभव असणे गरजेचे आहे. उमेदवारांना संबंधित राज्यातील भाषा चांगल्याप्रकारे अवगत असणे आवश्यक आहे.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.
यंग प्रोफेशनल पदासाठी निवड झालेल्या उमेदवारांना दरमहा ५० हजार रुपये इतका पगार दिला जाणार आहे.
२३ जानेवारी २०२३ ही अर्ज करण्याची शेवटची तारीख आहे. उमेदवारांना अधिकृत वेबसाईट www.ncdc.in वर जाऊन अर्ज करता येणार आहे. तसेच संपर्कासाठी ro.pune@ncdc.in हा ईमेल आयडी देण्यात आला आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
