भोकरदन : मुख्यमंत्री ग्राम सडक योजने अंतर्गंत मंजुर करण्यात आलेला रा.मा. 215 कोपर्डा-बेलोरा-डावरगांव ते रा.मा.223 रस्त्याचे मजबुतीकरण व डांबरीकरण करणे या 7 कोटी 93 लक्ष रुपये किंमतीच्या कामासह अर्थसंकल्पीय तरतुदी अंतर्गंत 10 कोटी 50 लक्ष रुपये निधी मंजुर करण्यात आलेल्या पुर्णा नदीवरील मोठया पुलाच्या बांधकामाचा भूमीपुजन सोहळा आमदार संतोष पाटील दानवे व आमदार नारायण कुचे यांच्या हस्ते शुक्रवार दि. 2/8/024 रोजी मोठया उत्साहात करण्यात आले. यावेळी माजी जि.प.सदस्य, गणेशबापु फुके, माजी जि.प.सदस्य, डाॅ.चंद्रकांत साबळे, उत्तमराव शिंदे, रामेश्वर सहकारी साखर कारखान्याचे व्हाईस चेअरमन मधुकर तांबडे,
कृ.उ.बा.समितीचे उपसभापती मधुकर मुगुटराव आदी मान्यवरांची उपस्थिती होती. यावेळी कोपर्डा ग्रामपंचायत अंतर्गंत 7 कोटी 78 लक्ष रुपये किंमतीच्या विविध विकास कामांचे उद्घाटन व लोकापर्ण देखील आमदार संतोष पाटील दानवे यांनी केले. त्यामध्ये सन 1972 च्या सिंचन तलावाचे साठवण तलावात रुपांतर करणे 2 कोटी रुपये, मिनी केटीवेअर बांधकाम करणे 70 लक्ष रुपये, सांस्कृतीक सभागृह बांधकाम करणे 10 लक्ष रुपये, जलजीवन मिशन अंतर्गंत जलकुंभ व पाईपलाईन 1 कोटी 33 लक्ष रुपये, शाळा खोल्यांचे बांधकाम करणे 50 लक्ष रुपये, रामेश्वर नगर येथे सिमेंट रस्ता बांधकाम करणे 5 लक्ष रुपये,
गावअंतर्गंत सिमेंट रस्ता बांधकाम करणे 5 लक्ष रुपये, स्मशानभूमी शेड बांधकाम करणे 7 लक्ष रुपये, द्वारयुक्त सिमेंट बंधारे बांधकाम करणे 1 कोटी 50 लक्ष रुपये, जि.प.शाळा येथे शौचालय बांधकाम करणे 3 लक्ष रुपये , भूमीगत नाली बांधकाम करणे 4 लक्ष रुपये, जि.प.शाळामध्ये प्रोजेक्टर सिस्टीम रुम कार्यान्वीत करणे 3 लक्ष रुपये, शिवनगर येथे सिंगल फेज रोहीत्राची उभारणी करणे 20 लक्ष रुपये, त्रिमुर्ती नगर येथे सिंगल फेज रोहीत्राची उभारणी करणे 12 लक्ष रुपये, वाळुबा नगर येथे सिंगल फेज रोहीत्राची उभारणी करणे 7 लक्ष रुपये, केटीवेअरची दुरुस्ती करणे 1 कोटी 50 लक्ष रुपये आदी कामांचा सामावेश आहे.
यावेळी बोलतांना आमदार संतोष पाटील दानवे म्हणाले की, मागील 30 वर्षापासुन भोकरदन तालुक्यातील जनतेने आमच्या दानवे कुटुंबावर प्रेम केले असुन दादाला सलग 2 वेळा आमदार, 5 वेळा खासदार व मला 2 वेळा आमदार केले आहे. जनतेचे हे ऋण आज ही आम्ही मान्य करतो. त्यामुळेच दादा असो की मी तसेच आमचे संपूर्ण कुटुंब मतदार संघाच्या विकासाचा ध्यास घेवुन आता पर्यंत काम करत आलो आहोत. गेल्या आनेक वर्षापासून किंबहुना देशाला स्वातंत्र्य मिळाल्या पासून वालसा खा. येथील ग्रामस्थांची पुर्णा नदीवर मोठया पुलाचे बांधकाम करण्याची मागणी होती.
परंतु मागील 10 वर्षे सोडले तर इतर वेळी आपल्या पक्षाचे सरकार नसल्यामुळे या पुलाचे बांधकाम इच्छा असूनही आम्हाला करता आले नाही. परंतु यावेळी मात्र माजी केंद्रीय मंत्री दादांच्या मार्गदर्शनाखाली मी व आमदार नारायण कुचे यांनी शासन दरबारी पाठपुरवा करुन वालसा खा. येथील पुर्णा नदीवर मोठया पुलाचे बांधकाम करण्यासाठी 10 कोटी 50 लक्ष रुपयांचा निधी मंजुर करुन आनला आहे. त्यामुळे वालसा खा. येथील ग्रामस्थांची गेल्या आनेक वर्षापासुनची मागणी पूर्ण केल्या बद्दल आम्हला मनस्वी आनंद होत आहे.
पुढे बोलतांना ते म्हणाले की, दिवसेंदिवस राजकारण कुस बदलत असुन विरोधी पक्षाकडुन सोशल मिडीयाच्या माध्यमातुन होत असलेल्या अपप्रचारामुळे सर्वसामान्य मतदारांच्या मनात संभ्रम निर्माण होत आहे. त्यामुळे मतदार हे विकासाच्या मुद्दयावर मतदान न करता समाज माध्यमावर होणाÚया अपप्रचाराला बळी पडुन मतदान करत असल्यामुळे विकासाचे राजकारण करणाÚया दादासारख्या विकासाभिमुख नेत्यालाही परभावाचा फटका सहन करावा लागला आहे.
त्यामुळे सर्वसामान्य मतदारांनी समाज माध्यमावर होणाÚया अपप्रचाराला बळी न पडता विकासाचे राजकारण करणाÚया व अडीअडचणीत आपल्या पाठीशी ठामपणे उभे राहणाÚया नेत्यालाच आपले बहुमोल मतदान दिले पाहिजे. दादांच्या पराभवामुळे केवळ भोकरदन-जाफ्राबाद विधानसभा मतदारसंघाचेच नव्हे तर जालना व छ.संभाजीनगर जिल्हाचा विकास 25 वर्षे मागे गेला आहे. त्यामुळे येणाÚया विधानसभा निवडणुकीमध्ये आपण कुठल्याही अपप्रचाराला बळी न पडता मला व आमदार नारायण कुचे यांना आपले बहुमोल मतदानांच्या माध्यमातुन आर्शिवाद दयावा, असे आवाहनही आमदार संतोष पाटील दानवे यांनी यावेळी केले. याप्रसंगी भाजपाचे स्थानिक पदाधिकारी, कार्यकर्ते व मोठया संख्येने ग्रामस्थांची उपस्थिती होती.
