तभा फ्लॅश न्यूज/पुणे : पुण्यातील खराडी परिसरात मध्यरात्री पोलिसांनी टाकलेल्या छाप्यात एकनाथ खडसेंचे जावई प्रांजल खेवलकर रेव्ह पार्टीत अंमली पदार्थांच्या सेवनासह रंगेहाथ पकडले गेले. या कारवाईत तीन महिलांसह दोन पुरुषांना अटक करण्यात आली असून, खडसेंच्या जावयाचा सहभाग असल्याने राज्याच्या राजकारणात मोठी खळबळ उडाली आहे.
पोलिसांनी दिलेल्या माहितीनुसार, पार्टीमध्ये अमली पदार्थ, मद्य आणि हुक्का यांचा वापर होत होता. भाजपच्या एका वरिष्ठ नेत्याने आरोप केला आहे की, या रेव्ह पार्टीचे आयोजन त्यांनी केले होते.
दरम्यान, एकनाथ खडसे हे काही दिवसांपासून गिरीष महाजन यांच्यावर टीका करत होते. आता त्यांच्या जावयाला अटक झाल्याने हे ‘राजकीय सूडराजकारण’ असल्याचा आरोप संजय राऊत यांनी केला आहे. प्रकरणाचा तपास सुरू असून इतर आरोपींच्या नावांची अद्याप अधिकृत घोषणा झालेली नाही.
