वैराग – श्री साई औद्योगिक प्रशिक्षण संस्था, वैराग (सासुरे)येथे क्रीडा सप्ताह २०२५ ची उत्साहात सांगता करण्यात आली, या क्रीडा सप्ताहाचे उद्घाटन मोठ्या उत्साहात पार पडले.
विद्यार्थी जीवनातील खेळाचे महत्त्व अधोरेखित करताना उद्घाटन समारंभात “आरोग्यम् धनसंपदा” या म्हणीचे महत्त्व सांगितले गेले. खेळामुळे शिस्त, परिश्रम, संघभावना आणि नेतृत्व गुणांचा विकास होतो, असे मार्गदर्शन संस्थेच्या अध्यक्षा डॉ मीरा सूर्यवंशी यांच्याकडून करण्यात आले.
क्रीडा सप्ताहामध्ये क्रिकेट, कबड्डी , गोळा फेक, रनिंग, बुद्धिबळ यांसारख्या विविध स्पर्धांचे आयोजन करण्यात आले. या क्रिडा सप्ताहामध्ये विद्यार्थ्यानी मोठ्या प्रमाणात सहभाग घेतला होता या कार्यक्रमाच्या यशस्वी आयोजनासाठी प्राचार्य श्याम गोवर्धन , सर्व शिक्षक,कर्मचारी आणि विद्यार्थ्यांनी विशेष परिश्रम घेतले.
