सांगोला – सांगोला तालुक्यातील श्रीदत्त मंदिर नाझरे वझरे येथे श्रीदत्त जयंती निमित्त शुक्रवार दि.२८ नोव्हेंबर ते गुरुवार दि.४ डिसेंबर अखेर स.७ ते ११ गुरुचरित्र पारायण, सायं.५ ते ६ हरिपाठ, रा.७ ते ९ कीर्तन, जागर या कार्यक्रमाचे आयोजन करण्यात आले आहे.
शुक्रवार दि.२८ नोव्हेंबर रोजी हभप.अंबादास करंडे महाराज यांचे कीर्तन व बुद्धेहाळ येथील जागर, शनिवार दि.२९ नोव्हेंबर रोजी हभप.भीमराव अडसूळ महाराज यांचे कीर्तन व अहिल्यानगर येथील जागर, रविवार दि.३० नोव्हेंबर रोजी हभप.रामहरी खंडागळे महाराज यांचे कीर्तन व कोळे येथील जागर, सोमवार दि.१ डिसेंबर रोजी हभप.एकनाथ महाराज सांगोलकर यांचे कीर्तन व सांगोलकर वस्ती येथील जागर, मंगळवार दि.२ डिसेंबर रोजी हभप.आप्पा चव्हाण महाराज यांचे कीर्तन व उदनवाडी येथील जागर, बुधवार दि.३ डिसेंबर रोजी हभप.परमहंस राजयोगी उद्धव महाराज यांचे कीर्तन व इसभावी येथील जागर, गुरुवार दि.४ डिसेंबर रोजी सद्गुरु संजीवदास महाराज यांचे शिष्य सुखदेव आदाटे महाराज यांचे स.१० ते १२ वाजेपर्यंत फुलाचे कीर्तन होईल व श्रीची फुले पडतील. त्यानंतर गो पूजन, महाआरती व महाप्रसाद वाटप होईल.
तसेच सायं.४ वा. श्रीच्या पालखीची मिरवणूक नाझरे गावातून निघणार आहे. तसेच शुक्रवार दि.२८ डिसेंबर रोजीचा बाजार श्रीदत्त मंदिर कडे होईल. तरी याचा भाविक भक्तांनी लाभ घ्यावा असे आवाहन संजीव आश्रम नाझरे वझरे तर्फे करण्यात आले आहे.
