सांगोला – सांगोल्यातील शहीद जवान सामाजिक संस्थेच्या वतीने २६/११ दिन व संविधान दिनाच्या निमित्ताने शहरातील नेहरू चौक येथे रक्तदान शिबिर आयोजित करण्यात आले होते. या शिबिरात ५८ रक्तदात्यांनी रक्तदान करून शहिदांना श्रद्धांजली अर्पण केली.
रक्तदान शिबिराचे उद्घाटन वीरपत्नी शितल वाघमोडे, मंगल आदलिंगे यांच्या हस्ते करण्यात आले. यावेळी शहीद जवानांच्या प्रतिमेचे पूजन बापूसाहेब ठोकळे, माजी सैनिक उत्तम चौगुले, संगिता चौगुले, माजी सैनिक निम्रगे, आनंद व्हटे, रमेश फुले, अरविंद केदार, शिवाजी इंगोले, राजेंद्र यादव, वसंतराव फुले यांच्या उपस्थित करण्यात आले.
याप्रसंगी अमर रहे अमर रहे, वीर जवान अमर रहे, भारत माता की जय, वंदे मातरम अशा घोषणा देऊन शहीदांचे स्मरण करण्यात आले. यावेळी सांगोला तालुक्यातील शहीद झालेले जवान व सर्व महापुरुषांचे फलक लावण्यात आले होते. रक्तदान शिबिर प्रसंगी गजानन बनकर, सोमेश यावलकर, सुरेश माळी, सुरेश फुले, माजी सैनिक संस्थेचे अध्यक्ष रवींद्र मराळ, संतोष ऐवळे, विश्वजीत फुले, दत्तात्रय नवले, रावसाहेब गायकवाड, सिताराम महिमकर, प्रसाद फुले, महेश बनकर यांनी भेटी देवून संस्थेच्या कार्याचे कौतुक केले.
प्रास्ताविक अच्युत फुले व आभार प्रदर्शन बिरुदेव मासाळ यांनी केले. सदर शिबिर यशस्वी करण्यासाठी संतोष महिमकर, महादेव दिवटे, आभिषेक फुले, आजित जाधव यांनी परिश्रम घेतले.
