सोलापूर – प्रतिवर्षीप्रमाणे श्री क्षेत्र गाणगापूर येथे श्री दत्त महाराजांचा जन्मोत्सव तिथि प्रमाणे केले जातो म्हणजे मार्गशीर्ष चतुर्दशी यंदा श्री क्षेत्र गाणगापूर येथे दत्त जयंती सोहळा दि.४ डिसेंबर रोजी दुपारी १२:०० वाजता राहणार आहे. त्याचप्रमाणे दि.५ डिसेंबर रोजी सायंकाळी श्री गुरुदत्त महाराजांचे रथोत्सवाचे कार्यक्रम होणार आहे.
दरम्यान, पहाटे २ वाजता काकड आरती व निर्गुण पादुकेला पुजारी मंडळाकडून केशर लेपन १२ वा पाळणा व संध्याकाळी ७:३० महामंगल आरती संपन्न होणार आहे. उत्सव असल्यामुळे दैनंदिन कार्यक्रमांमध्ये काही बदल राहणार नाही अशी माहिती दत्त मंदिराचे मुख्य पुजारी श्री उदय कुमार काशिनाथ भट पुजारी यांनी दिली आहे.
