सांगोला – सह्याद्री फार्मसी कॉलेज, मेथवडे (ता.सांगोला) येथे २०२५-२६ या शैक्षणिक वर्षांमध्ये नव्याने प्रवेश घेणाऱ्या विद्यार्थ्यांसाठी स्वागत समारंभाचे आयोजन करण्यात आले होते. या कार्यक्रमाचे उदघाटन कॉलेज ऑफ फार्मसी, पाणीवचे प्राचार्य डॉ.स्वप्नील फडे, डॉ.हिंदुराव काळे, संस्थेचे संस्थापक अध्यक्ष डॉ.दिलीपकुमार इंगवले, महाविद्यालयाचे प्राचार्य डॉ.मनोजकुमार पाटील यांच्या हस्ते सरस्वती मातेच्या प्रतिमेचे पूजन व दीपप्रज्वलन करून झाले.
डॉ.स्वप्नील फडे यांनी मनोगतात ग्रामीण व शहरामधील गरीब, होतकरू, हुशार विद्यार्थ्यांना डॉ.दिलीपकुमार इंगवले यांनी चांगल्या अशा फार्मसी महाविद्यालयाची स्थापना करून शैक्षणिक क्षेत्रातील त्यांनी दिलेले योगदान कौतुकास्पद व उल्लेखनीय आहे. दर्जेदार व गुणवत्तापूर्ण शिक्षण हीच महाविद्यालयाची ओळख पंचक्रोशीत झाली आहे. कॉलेजमधील अनुभवी व तज्ञ प्राध्यापक वृंद, अद्यावत प्रयोगशाळा व क्लासरूम, सुसज्ज ग्रंथालय, सर्व सोईयुक्त वसतिगृह व कॅन्टीन, निसर्गरमय व शिस्तबद्ध शैक्षणिक वातावरण,आधुनिक उपकरणे व मशीन्स यामुळे कॉलेजचे नावलौकिक वाढवण्यास मदत झाली आहे असे मत व्यक्त केले. याप्रसंगी नव्याने प्रवेश घेणाऱ्या विद्यार्थ्यांचे पुष्पगुच्छ व भेटवस्तू देऊन स्वागत करण्यात आले. यावेळी विद्यार्थ्यांनी नृत्यकला सादर करून उपस्थितांची मने जिंकली.
कार्यक्रमाचे प्रास्ताविक प्रा.पी.पी.कोडग, सुत्रसंचलन ओंकार हत्तुरे, हर्षद जाधव, काजल देवळे, मनीषा काळे, दीक्षा जाधव, शुभांगी कालिबाग, राबिया इनामदार, निकिता पवार यांनी केले. आभार प्रा.एस.पी.जोकार यांनी मानले. हा कार्यक्रम यशस्वी करण्यासाठी सांस्कृतिक विभागाचे डॉ.एन.ए.तांबोळी, सर्व शिक्षक व शिक्षकेतर कर्मचारी, विद्यार्थी यांचे योगदान लाभले.
