सोलापूर – माजी नगरसेवक नागेश गायकवाड आणि किसन जाधव ही खऱ्या अर्थाने राम – लक्ष्मणाची जोडी असून या दोघांच्या माध्यमातून या भागातील सर्वधर्मियांच्या विकासकामाची राष्ट्रवादीची हिच खरी रणनीती असल्याचे गौरवोदगार विधानसभेचे उपाध्यक्ष आणि अजितदादा पवार राष्ट्रवादी काँग्रेसचे सोलापूरचे सहसंपर्क मंत्री अण्णा बनसोडे यांनी काढले. शुक्रवारी सायंकाळच्या सुमारास रामवाडीत विधानसभेचे उपाध्यक्ष तथा सह संपर्कप्रमुख अण्णा बनसोडे यांच्या शुभहस्ते १ कोटींच्या सांस्कृतिक भवन प्रकल्पाचा मोठ्या थाटात उद्घाटन करण्यात आले. यावेळी प्रमुख मान्यवर म्हणून सहसंपर्क मंत्री अण्णा बनसोडे बोलत होते.
अण्णा बनसोडे म्हणाले, किसन जाधव आणि नागेश गायकवाड तसेच या परिवारातील युवा नेतृत्व म्हणून पुढे येत असलेले चेतन गायकवाड आदी मंडळींकडून राष्ट्रवादी पक्षावर कायमच निष्ठा ठेवून काम करण्यात येते . राज्याचे उपमुख्यमंत्री अजित दादा पवार यांचा शब्द,जाधव आणि गायकवाड बंधूकडून प्रमाण मानला जातो. रामवाडी परिसरातील विविध विकास कामांसाठी कोटयवधी रुपयांचा निधी मिळाला असून जाधव आणि गायकवाड यांच्याकडून कोणत्याही प्रकारचा जातिभेद न करता सर्वधर्मीयांच्या विकास कामाला प्राधान्य देण्यात येत असल्याचेही अण्णा बनसोडे यांनी सांगितले.
प्रस्ताविक भाषणात राष्ट्रवादीचे प्रदेश उपाध्यक्ष किसन जाधव म्हणाले, रामवाडी परिसरासाठी विकासाचा नवा अध्याय सुरू झाला असून उपमुख्यमंत्री अजित पवार यांच्या विशेष निधीतून तब्बल १ कोटी रुपयांच्या दोन महत्त्वाकांक्षी सांस्कृतिक प्रकल्पांची उभारणी होत आहे. विश्वरत्न डॉ. बाबासाहेब आंबेडकर सांस्कृतिक भवन व साहित्यरत्न लोकशाहीर अण्णाभाऊ साठे सांस्कृतिक भवन या दोन भव्य योजनांचे उद्घाटन आणि भूमिपूजन सोहळा पार पडला असून लवकरच या कामाचे लोकार्पण करण्याचा मानस आहे.
यावेळी व्यासपीठावर राष्ट्रवादी काँग्रेस पार्टीचे जिल्हाध्यक्ष संतोष पवार कार्याध्यक्ष जुबेर बागवान लक्ष्मण जाधव प्रदेश उपाध्यक्ष आनंद चंदनशिवे ,प्रदेश सरचिटणीस शशिकांत बापू कांबळे माजी नगरसेवक नागेश गायकवाड, इरफान शेख माजी परिवहन समिती सभापती आनंद मुस्तारे महिला आघाडी कार्याध्यक्ष चित्रा कदम माजी नगरसेविक पूनम गायकवाड जनरल सेक्रेटरी प्रमोद भोसले, वैद्यकीय मदत कक्ष प्रमुख बसवराज कोळी वाहतूक सेल विभाग अध्यक्ष इरफान शेख , श्यामराव गांगर्डे प्रदेश सचिव विशाल बंगाळे आदींसह पदाधिकारी कार्यकर्ते आणि स्थानिक नागरिक उपस्थित होते.
