9 लाख 91 हजार रुपयांचा प्रतिबंधित गुटखा, सुगंधित तंबाखू जप्त करण्यात आली असून या प्ररकणी 4 व्यक्तीविरोधात गुन्हा दाखल झाला आहे.
पोलीस अधीक्षक सोमय मुंडे यांनी अवैध धंद्यावर कठोर कारवाई करण्याचे निर्देशित केले आहे. त्या अनुषंगाने अपर पोलीस अधीक्षक डॉ.अजय देवरे यांचे मार्गदर्शनात सहाय्यक पोलीस अधीक्षक निकेतन कदम, उपविभागीय पोलिस अधिकारी, चाकूर, अहमदपूर यांनी उपविभागीय चाकूर,अहमदपूर पोलीस ठाणे चाकूर, अहमदपूर येथील पथकातील पोलीस अधिकारी, अंमलदारांचे पथक तयार करून अहमदपूर पोलीस पोलीस ठाण्याच्या हद्दीतील अवैध धंद्याची माहिती काढून त्यावर कारवाई करण्याची मोहीम राबवित आहेत.
उपविभाग अहमदपूर हद्दीमधील अवैध धंद्याची माहिती काढून त्यावर कार्यवाही करण्याकरिता अवैध धंद्याची माहिती काढत असताना पोलीस पथकास खात्रीशीर अहमदपूर शहर, परिसरातील काही इसम प्रतिबंधित गुटका, सुगंधित तंबाखूची चोरटी विक्री व्यवसाय करीत आहेत साठवणूक करीत आहेत.
अशी खात्रीशीर बातमी मिळाली माहितीची शहनिशा करून सहाय्यक पोलिस अधीक्षक निकेतन कदम यांचे नेतृत्वात पोलिस अधिकारी, अमलदारांच्या पथकाने छापा मारून 4 व्यक्तींना ताब्यात घेऊन त्यांचे कडून महाराष्ट्र शासनाने बंदी घातलेले वेगवेगळ्या कंपनीचे, महाराष्ट्र राज्यामध्ये विक्रीसाठी प्रतिबंधित असलेले गुटका, सुगंधित पानमसाला असा 9 लाख 91 हजार रुपयांचा प्रतिबंधित गुटका व सुगंधित पान मसाला तंबाखू जप्त करण्यात आले आहे.
सहाय्यक आयुक्त कार्यालय, लातूर येथील अन्न सुरक्षा अधिकारी विठ्ठल लोंढे यांचे तक्रारीवरून पोलीस ठाणे अहमदपूर येथे प्रतिबंधित गुटका, सुगंधित तंबाखूची अवैद्य साठवणूक करून विक्री व्यवसाय करणारे विठ्ठल हामणे, भाग्यनगर, बबन पठाण, चारटांगी, राजू उर्फ शिवलिंग हामने, अहमदपूर
शंकर कानगुले, अहमदपूर यांचे विरुद्ध पोलीस ठाणे अहमदपूर येथे गुन्हा दाखल करून 9 लाख 91 हजार 100 रुपयांचा प्रतिबंधित गुटखा, पान मसाल्याचा मुद्देमाल जप्त करण्यात आला आहे. यातील दोन आरोपी फरार आहेत.
गुन्ह्याचा पुढील तपास अहमदपूर पोलीस स्टेशनचे पोलीस करीत आहेत.सदरची कामगिरी वरिष्ठांचे मार्गदर्शनात, सहायक पोलिस अधीक्षक निकेतन कदम, यांचे नेतृत्वात पोलीस उपनिरीक्षक रोकडे, पोलीस अमलदार कलमे, पुठेवाड, बाळासाहेब साळवे, बापूराव धुळगुंडे, सुदर्शन घुगे, आरदवाड, रतनदीप कांबळे यांनी पुढाकार घेतला होता.
