सांगोला – तालुक्यातील कोळा येथील जिल्ह्याच्या सरहद्दीवर असणारे वाघडोह वस्ती जिल्हा परिषद मराठी शाळेने आदर्श मुख्याध्यापिका भारती शहाजी घोडके दौंड यांच्या संकल्पनेतून विद्यार्थ्यांना व्यवहारी ज्ञान कळावे म्हणून जिल्हा परिषद शाळेत लहान मुला-मुलींना व्यवहार ज्ञान आत्मसात व्हावे या उद्देशाने आनंद बाजार घेण्यात आला बालगोपाळांनी यशस्वी करून चांगले कार्य झाल्याने शाळेचे सर्व स्तरातून कौतुक होत आहे.
कोळा वाघडोह वस्ती जिल्हा परिषद मराठी शाळेमध्ये आनंद बाजारात गर्दी केली होती यामध्ये लहान गोपाळांनी ओ भाजी घ्या भाजी, ताजी ताजी भाजी’ च्या बाल आरोळ्यांनी जिल्हा परिषद शाळेचा संपूर्ण परिसर चांगलाच बाजारमय झाला होता. या बाजाराला ग्रामस्थ, पालकांनी उदंड प्रतिसाद देत चिमुकल्यांचे कौतुक केले.चिमुकल्या विद्यार्थ्यांनी भोगी व मकर संक्रांतीच्या पूर्वसंध्येला शाळेच्या प्रांगणात आपला आठवडा बाजार भरवला होता.
शालेय अभ्यासक्रमाबरोबरच जीवनातील व्यावहारिक ज्ञान विद्यार्थ्यांना मिळावे, या संकल्पनेतून शाळेच्या वतीने या आठवडा बाजाराचे आयोजन केले होते. त्याला पालक, ग्रामस्थ व शिक्षकांनी खरेदी करुन चांगलाच प्रतिसाद दिला होता. विद्यार्थ्यांनी भाजीपाला व भोगी मकर संक्रांतीसाठी लागणारे साहित्याबरोबरच खाऊगल्लीही थाटली होती. यावेळी चिमुकल्यांनी आपल्या मालाच्या विक्रीसाठी ग्राहकांना घातलेली आर्त हाक व चेहऱ्यावरील भाव बरेच काही सांगून जात होते. चिमुकल्यांच्या बाजारात साहित्याच्या खरेदीसाठी पालकांची मोठी झुंबड उडाली होती. विद्यार्थ्यांकडून ग्राहकरुपी पालकांनीही भाजीपाला, भोगी व मकर संक्रांतीच्या साहित्याबरोबरच बाजारात वडापाव भजी ढोकळा चॉकलेट गुलाब जामून कुरकुरे सर्व प्रकारचे बिस्किटे समोसे तसेच अन्य साहित्य खरेदी करुन चांगलीच दाद दिली.
यामध्ये महिलांचा मोठा सहभाग होता. बाजारास उत्स्फूर्त प्रतिसाद लाभला.आनंददायी शिक्षण उपक्रमांतर्गत आयोजित करण्यात आलेल्या या बाजाराचे उद्घाटन शाळा व्यवस्थापन समिती अध्यक्ष ज्ञानेश्वर पडळकर पत्रकार जगदीश कुलकर्णी यांच्या हस्ते करून बाजारास सुरुवात करण्यात आले. या बाजारात कोळा गावचे चे शिक्षक नेते अल्लाउद्दीन तांबोळी गुरुजी सामाजिक कार्यकर्ते रमेश पडळकर अमोल माने सुरेश काळेल कोतवाल समाधान मंडले आनंद करांडे, गब्बर करांडे, शुभम करांडे, सुरेश काळेल शरद कोळेकर सौ संगीता पडळकर सौ दिपाली पडळकर यांनी स्वतः भाजीपाला खरेदीचा खरेदीचा आनंद घेतला विद्यार्थ्यांच्या आनंद बाजारात सहभाग नोंदवला आहे.आजी-माजी पदाधिकारी व शाळा व्यवस्थापन समितीचे सदस्य ग्रामस्थ उपस्थित होते.
कोळा वाघडोह वस्ती मराठी शाळेत आनंद बाजार उपक्रमात विद्यार्थ्यांनी विविध भाजीपाला, फळभाज्या, फळे तसेच खाऊच्या पदार्थांची विक्री केली. यामध्ये नाश्ता सेंटर, अशा विविध स्टॉल्सचा समावेश होता. विशेष बाब म्हणजे विद्यार्थ्यांनी स्वतःच्या वस्तू स्वतः विक्री केल्या. यामुळे विद्यार्थ्यांचे व्यवहारज्ञान, आत्मविश्वास व आर्थिक साक्षरता विकसित होण्यास मदत झाली. शाळेचे कार्य कौतुकास्पद चांगले आहे.
~अल्लाउद्दीन तांबोळी गुरुजी
शिक्षक नेते कोळा ता सांगोला
